កីឡាករម្នាក់របស់អារ៉ាប៊ីសាអ៊ូឌីត ត្រូវបានដកចេញពីបញ្ជីឈ្មោះចុងក្រោយ ដោយសារករណីសារធាតុដូប៉ា

FIFA World Cup
November 14th, 2022 (2 years)
1396 Views
Share

កីឡាកររបស់អារ៉ាប៊ីសាអ៊ូឌីតម្នាក់ នឹងមិនធ្វើដំណើរទៅប្រទេសកាតាទេ បន្ទាប់ពីគេត្រូវបានដកចេញពីបញ្ជីឈ្មោះចុងក្រោយ 26 នាក់សម្រាប់ការប្រកួតបាល់ទាត់ពិភពលោក FIFA World Cup 2022 ដោយសារតែខ្សែបម្រើស្លាបវ័យ 28 ឆ្នាំរូបនេះ ធ្លាប់រកឃើញសារធាតុដូប៉ាក្នុងខ្លួន។

កីឡាករ Fahad Al-Muwallad ដែលរកបានចំនួន 17 គ្រាប់ ត្រូវបានបញ្ចូលក្នុងក្រុមអារ៉ាប៊ីសាអ៊ូឌីត ដែលគ្រូបង្វឹក Herve Renard បានប្រកាសនាពេលកន្លងទៅ។ គេត្រូវបានរកឃើញសារធាតុ Furosemide ដែលស្ថិតក្នុងបញ្ជីឱសថហាមឃាត់របស់ទីភ្នាក់ងារប្រឆាំងសារធាតុញៀនពិភពលោក។

មន្ត្រីក្រុមអារ៉ាប៊ីសាអូឌីតបាននិយាយកាលពីថ្ងៃអាទិត្យថាពួកគេនឹងដកឈ្មោះរបស់ Al-Muwallad ដែលលេងឱ្យក្រុម Al-Shabab ដើម្បីជាការប្រុងប្រយ័ត្ន។ ពួកគេបានកោះហៅមិត្តរួមក្រុម al-Shabab របស់ al-Muwallad ដែលមានឈ្មោះថា Nawaf al-Abed អាយុ ៣២ឆ្នាំ មកជំនួសកន្លែងរបស់គេវិញផងដែរ។

អារ៉ាប៊ីសាអូឌីត ប្រឈមមុខនឹងពូល C ដោយបើកយុទ្ធនាការរបស់ខ្លួន ទល់នឹងអាហ្សង់ទីន មុនពេលប្រកួតជាមួយប៉ូឡូញ។ ការប្រកួតចុង ក្រោយរបស់អារ៉ាប៊ីសាអូឌីត នឹងត្រូវប៉ះម៉ិកស៊ិក ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 18 ខែធ្នូ ឆ្នាំ 2022៕

អត្ថបទទាក់ទង

កីឡាករម្នាក់របស់អារ៉ាប៊ីសាអ៊ូឌីត ត្រូវបានដកចេញពីបញ្ជីឈ្មោះចុងក្រោយ ដោយសារករណីសារធាតុដូប៉ា

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស