បាល់ទាត់
អង់គ្លេស៖ ក្លិបបិសាចក្រហម Manchester United បានបដិសេធសំណើររបស់ AC Milan ក្នុងការចង់បាន Jesse Lingard ។ ខ្សែបម្រើវ័យ ២៧ ឆ្នាំរូបនេះ បានចុះកុងត្រាជាមួយភ្នាក់ងាររបស់ Paul Pogba គឺលោក Mino Raiola កាលពីឆ្នាំមុន ទោះបីជាមានទំនាក់ទំនងប្រេះឆាជាមួយក្រុមប្រឹក្សានៅ Old Trafford ក៏ដោយ។
អង់គ្លេស៖ លោក Ralph Hasenhuttl បានចុះកិច្ចសន្យាថ្មី ដឹកនាំក្លិប Southampton រហូតដល់ឆ្នាំ២០២៤ ទោះបីក្នុងរដូវកាលនេះដឹកនាំពុំបានលទ្ធផលល្អប៉ុន្មានក៏ដោយ។
អង់គ្លេស៖ ក្លិបនៅក្របខ័ណ្ឌ Premier League ត្រូវបានព្រមានពីបញ្ហាស្តោះទឹកមាត់នៅលើទីលានប្រកួត។ នេះបើតាមការឱ្យដឹងពីសារព័ត៌មាន Dailymail។
ប្រដាល់
ហ្សកដានី៖ បងប្អូន និងមិត្តភក្តិអ្នកប្រដាល់ ហ្សកដានី Hussein និង Zeyad Ashish បានចំណាយពេលរបស់ពួកគេនៅលើដំបូលផ្ទះ ដើម្បីហ្វឹកហាត់បន្ទាប់ ពីមានវិធានការស្ថិតនៅក្នុងផ្ទះ ដោយរដ្ឋាភិបាល ហ្ស៊កដានី បានហាមប្រជាជន មិនឱ្យទៅកាន់ទីប្រជុំជន ជាពិសេសពួកគេមិនឱ្យ ទៅកន្លែងហាត់ប្រាណបាន។
អាមេរិក៖ អតីតម្ចាស់ខ្សែក្រវ៉ាត់ទម្ងន់ធ្ងន់ Mike Tyson គ្រោងវិលមកកាន់សង្វៀនវិញ ដើម្បីធ្វើការប្រកួតសប្បុរសធម៌មួយដែលលោកបានគ្រោងទុក។
ថៃ៖ អ្នកប្រដាល់ថៃ Chatchai-decha Butdee កំពុងប្រឹងប្រែងអស់ពី សមត្ថភាព ដើម្បីកុំឱ្យរូបគាត់មានអារម្មណ៍ថា មិនបានចូលរួមព្រឹត្តកាណ៍នោះ ដោយការ ពន្យារពេលនៃព្រឹត្តិការណ៍អូឡាំពិកទីក្រុងតូក្យូ ដល់ឆ្នាំ ២០២១ ។
កីឡាចម្រុះ
កំពង់ស្ពឺ៖ កីឡដ្ឋានស្ដង់ដារអន្ដរជាតិដំបូង នាក្រុងច្បារមន ខេត្តកំពង់ស្ពឺ បានដំណើរការសាងសង់ជាផ្លូវការហើយ កាលពីដើមសប្ដាហ៍កន្លងទៅ ដោយគ្រោងចំណាយថវិកាជាង ៣លានដុល្លារអាមេរិក និងគ្រោងបញ្ចប់ការសាងសង់នៅដើមឆ្នាំ២០២២ ដោយអាចផ្ទុកអ្នកទស្សនាបាន ៦ពាន់នាក់។
ភ្នំពេញ៖ ម្ចាស់មេដាយមាសជើងឯកពិភពលោក៤ជំនាន់ជាប់ៗគ្នា វីរកីឡាការិនី កែ ឡេង បានប្រកាសលាឈប់ពីអាជីពកីឡាប៊ូល និងប៉េតង់កម្ពុជាហើយ ដោយសារបញ្ហាសុខភាពរបស់លោកស្រី ថាមិនអាចទ្រាំទ្រ តទៅមុខទៀតបាន។
អាមេរិក៖ អ្នករៀបចំកម្មវិធីរត់ម៉ារ៉ាតុង នាទីក្រុង បូស្ដុន បាននិយាយកាលពី ថ្ងៃទី២៨ ខែឧសភា ថា ការរត់ម៉ារ៉ាតុងដែលគ្រោងធ្វើឡើងនៅខែមេសា បន្ទាប់មកត្រូវបានពន្យារពេលរហូតដល់ខែកញ្ញា ដោយសារតែជំងឺ រាតត្បាតកូវីដ១៩ នេះ ត្រូវបានលុបចោលជាលើកដំបូង ក្នុងប្រវត្តិសាស្ត្ររបស់ខ្លួន។