ក្លិប Inter Milan យកឈ្នះលើ Parma គ្រងជើងឯកពាន Serie A លើកទី ២១របស់ខ្លួន

បាល់ទាត់
May 4th, 2026 (4 hours)
12 Views
Share

ក្លិប Inter Milan បានឈ្នះពាន Serie A លើកទី ២១ របស់ពួកគេ ជាមួយនឹងជ័យជម្នះ ២-០ លើក្រុម Parma ។ ត្រូវការត្រឹមតែមួយពិន្ទុប៉ុណ្ណោះ កីឡាករ Marcus Thuram និង Henrikh Mkhitaryan បានរកគ្រាប់បាល់សម្រេចក្នុងជ័យជម្នះនៅកីឡដ្ឋាន San Siro។

ក្រុម Inter ដែលបានឈ្នះពានរង្វាន់ចុងក្រោយក្នុងឆ្នាំ ២០២៤ បាននាំមុខក្រុមការពារតំណែងជើងឯក Napoli ១២ ពិន្ទុ។

ខ្សែប្រយុទ្ធបារាំង Thuram បានបើកការស៊ុតបញ្ចូលទីនៅម៉ោងបន្ថែមតង់ទីមួយ។ ក្រុម Inter ត្រូវរង់ចាំរហូតដល់នាទីទី ៨០ សម្រាប់គ្រាប់ទីពីររបស់ពួកគេ ដោយ Lautaro Martinez បានបញ្ជូនបាល់កាត់មុខទីឱ្យមិត្តរួមក្រុម Mkhitaryan ស៊ុតបញ្ចូលទីយ៉ាងងាយស្រួល។

គ្រូបង្វឹក Inter លោក Cristian Chivu បានអបអរសាទរពានរង្វាន់ធំដំបូងរបស់គាត់ក្នុងនាមជាគ្រូបង្វឹក បន្ទាប់ពីបានឈ្នះ Serie A ៣ដងក្នុងនាមជាកីឡាករជាមួយក្លិប។

ក្រុម Inter បានស៊ុតបញ្ចូលទី ១៩ គ្រាប់ក្នុងការប្រកួត ៦ លើកចុងក្រោយរបស់ពួកគេ ហើយជាក្រុមដែលបានឈ្នះ ២៦ ដងក្នុងការប្រកួត ៣៥ លើករបស់ពួកគេ៕

អត្ថបទទាក់ទង

ក្លិប Inter Milan យកឈ្នះលើ Parma គ្រងជើងឯកពាន Serie A លើកទី ២១របស់ខ្លួន

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស