ថៃមិនទាន់ទិញសិទ្ធិផ្សាយព្រឹត្តិការណ៍ FIFA World Cup Qatar 2022 នៅឡើយទេ

FIFA World Cup
November 16th, 2022 (2 years)
1227 Views
Share

ប្រទេសថៃ មិនទាន់មានក្រុមហ៊ុនណាមួយ បានចេញមុខទិញសិទ្ធិផ្សាយបន្តផ្ទាល់នូវព្រឹត្តការណ៍ FIFA World Cup 2022 នៅប្រទេសកាតានៅឡើយទេ។ នេះបើយោងតាមការចុះផ្សាយរបស់សារព័ត៌មានបាងកកប៉ុស្តិ៍ នៅថ្ងៃទី15 ខែវិច្ឆិកានេះ។

ឧបនាយករដ្ឋមន្ត្រី Wissanu Krea-ngam បាននិយាយនៅថ្ងៃអង្គារនេះថា អាជ្ញាធរកីឡាថៃ (SAT) អាចខ្ចីថវិកាពីរដ្ឋាភិបាល សម្រាប់ទិញសិទ្ធិផ្សាយបន្តផ្ទាល់សម្រាប់ការប្រកួតបាល់ទាត់ពិភពលោកឆ្នាំ 2022 នេះ។ លោកបានបន្តថា នេះជាដំណោះស្រាយមួយ ស្របពេលដែលភ្នាក់ងារកីឡាមួយចំនួន កំពុងស្វះស្វែងរកថវិការដើម្បីទិញសិទ្ធិផ្សាយ ដែលមានតម្លៃ 1.6 ពាន់លានបាតសម្រាប់ប្រទេសថៃ។

អាជ្ញាធរកីឡាថៃ ត្រូវការថវិកាបន្ថែម 1 ពាន់លានបាតទៀត បន្ទាប់ពីគណៈកម្មការប្រព័ន្ធផ្សព្វផ្សាយ និងទូរគមនាគមន៍ជាតិថៃ បានយល់ព្រមបញ្ចេញថវិកា 600 លានបាតដើម្បីចំណាយលើការទិញសិទ្ធិនេះ។

សូមជម្រាបថា ព្រឹត្តិការណ៍ FIFA World Cup 2022 នឹងចាប់ផ្ដើមនៅថ្ងៃទី 20 ខែវិច្ឆិកាខាងមុខនេះ ធ្វើឱ្យថៃ សល់រយៈពេលតិចជាងមួយសប្ដាហ៍ដើម្បីសម្រេចលើការទិញសិទ្ធិផ្សាយបន្តផ្ទាល់នេះ៕

អត្ថបទទាក់ទង

ថៃមិនទាន់ទិញសិទ្ធិផ្សាយព្រឹត្តិការណ៍ FIFA World Cup Qatar 2022 នៅឡើយទេ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស