តារាឆ្នើមសេណេហ្គាល់ Sadio Mane នឹងអវត្តមានសម្រាប់ការប្រកួតបើកឆាកនៅ World Cup

FIFA World Cup
November 16th, 2022 (2 years)
1357 Views
Share

មន្ត្រីរបស់សហព័ន្ធកីឡាបាល់ទាត់របស់ប្រទេសសេណេហ្គាល់ បានបញ្ជាក់ថា Sadio Mane នឹងខកខានការប្រកួតដំបូងរបស់សេណេហ្គាល់ នៅក្នុងព្រឹត្តិការណ៍ FIFA World Cup Qatar 2022 ដោយសារតែរបួសជើង។

ខ្សែប្រយុទ្ធ Bayern Munich ត្រូវបានដាក់ឈ្មោះក្នុងបញ្ជីឈ្មោះចុងក្រោយរបស់សេណេហ្គាល់ សម្រាប់ការប្រកួតនៅប្រទេសកាតា ទោះបីជារបួសក្នុងការប្រកួតឱ្យក្លិបកាលពីសប្តាហ៍មុនក៏ដោយ។

Bayern បាននិយាយថាកីឡាករវ័យ 30 ឆ្នាំរូបនេះមានរបួសត្រង់សរសៃពួរជើងខាងស្តាំរបស់គាត់ ប៉ុន្តែគ្រូបង្វឹកសេណេហ្គាល់លោក Aliou Cisse បាននិយាយថា Mane មិនត្រូវការការវះកាត់ទេ។

ក្រុមមកពីអាហ្រ្វិកខាងលិច នឹងចាប់ផ្តើមយុទ្ធនាការក្នុងពូល A របស់ពួកគេទល់នឹងហុល្លង់ រួចបន្តជួបជាមួយម្ចាស់ផ្ទះកាតា និងអេក្វាឌ័រ នៅប្រកួតបន្ទាប់។

Mane គឺជាកីឡាករឆ្នើមរបស់សេណេហ្គាល់ ដែលបានស៊ុតបាល់ប៉េណាល់ទីសម្រេចឱ្យពួកគេ បានក្លាយជាជើងឯកទ្វីបអាហ្វ្រិកជាលើកដំបូងកាលពីខែកុម្ភៈ ដោយបានយកឈ្នះអេហ្ស៊ីបក្នុងការស៊ុតបាល់បញ្ចូលទី ក្នុងវគ្គផ្តាច់ព្រ័ត្រ Africa Cup of Nations ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 18 ខែធ្នូ ឆ្នាំ 2022៕

អត្ថបទទាក់ទង

តារាឆ្នើមសេណេហ្គាល់ Sadio Mane នឹងអវត្តមានសម្រាប់ការប្រកួតបើកឆាកនៅ World Cup

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស