Son នឹងពាក់ស្រោមមុខដែលផ្ដល់ជូនដោយ Spurs នៅក្នុងការប្រកួត World Cup

FIFA World Cup
November 16th, 2022 (2 years)
5657 Views
Share

Son Heung-min បានមកដល់ទីក្រុងដូហា កាលពីយប់ថ្ងៃអង្គារ ដើម្បីចូលរួមជាមួយក្រុមជម្រើសជាតិកូរ៉េខាងត្បូង ក្នុងការហ្វឹកហាត់មុនការប្រកួតបាល់ទាត់ពិភពលោក FIFA World Cup Qatar 2022 ។

បើតាមមន្ត្រីកូរ៉េខាងត្បូង បានបញ្ជាក់ថា Son បានកាន់ស្រោមមុខដែលផ្តល់ជូនដោយ Tottenham Hotspur ។ វាជាសញ្ញាមួយ ដែលបង្ហាញថា Son ទំនងជាលេងពាក់ស្រោមមុខដើម្បីការពារផ្ទៃមុខរបស់ខ្លួន។

Son បានប្រាប់អ្នកសារព័ត៌មាននៅខាងក្រៅព្រលានយន្តហោះថា៖ “ពួកយើងនឹងបន្តតាមដាន ដើម្បីដឹងថាតើវានឹងជាសះស្បើយលឿនប៉ុណ្ណា”។ “ដូចដែលខ្ញុំធ្លាប់បាននិយាយពីមុន ខ្ញុំនឹងលេងឱ្យអស់ពីសមត្ថភាព ហើយខ្ញុំមិនធ្វើឱ្យអ្នកទាំងអស់គ្នាខកចិត្តឡើយ។”

ឆ្អឹងនៅក្បែរភ្នែក Son បានប្រេះ បន្ទាប់ពីប៉ះទង្គិចយ៉ាងខ្លាំងជាមួយស្មារបស់ខ្សែការពារ Chancel Mbemba ក្នុងការប្រកួតរវាង Tottenham Hotspur និង Marseille ក្នុងក្របខណ្ឌ Champions League នៅកីឡដ្ឋាន Stade Vélodrome ក្នុងទីក្រុង Marseille ប្រទេសបារាំង កាលពីថ្ងៃទី 1 ខែវិច្ឆិកា។

គេបានទទួលការវះកាត់កាលពីថ្ងៃទី 4 ខែវិច្ឆិកា ដោយសហព័ន្ធកីឡាបាល់ទាត់កូរ៉េខាងត្បូង បានថ្លែងនៅថ្ងៃទី 5 ខែវិច្ឆិកាថា ការវះកាត់បានទទួលជោគជ័យ។

មានការលើកឡើងថា របួសអាចជាសះស្បើយទាន់ ដែលអាចឱ្យ Son លេងដោយមិនពាក់ស្រោមមុខក៏ថាបាន។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 18 ខែធ្នូ ឆ្នាំ 2022៕

អត្ថបទទាក់ទង

Son នឹងពាក់ស្រោមមុខដែលផ្ដល់ជូនដោយ Spurs នៅក្នុងការប្រកួត World Cup

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស