ប្រធានាធិបតីបារាំង ប្រតិកម្មនឹងការរិះគន់ World Cup នៅប្រទេសកាតា

FIFA World Cup
November 17th, 2022 (3 years)
1000 Views
Share

ថ្លែងទៅកាន់អ្នកសារព័ត៌មាននៅទីក្រុងបាងកក មុនកិច្ចប្រជុំកំពូល APEC ប្រធានាធិបតីបារាំង លោក Emmanuel Macron បានប្រតិកម្មចំពោះការរិះគន់លើព្រឹត្តិការណ៍ FIFA World Cup 2022 នៅប្រទេសកាតា ហើយការដែលលោកនឹងធ្វើដំណើរទស្សនកិច្ចនៅកាតា គឺជាការគាំទ្រក្រុមបារាំងរបស់លោកតែប៉ុណ្ណោះ។

លោកប្រធានាធិបតីបារាំង នឹងធ្វើដំណើរទៅប្រទេសកាតា ប្រសិនបើក្រុមមាន់គកបារាំង អាចឆ្លងផុតវគ្គ 8 ក្រុមចុងក្រោយ។ ប្រមុខរដ្ឋរូបនេះ ក៏ធ្លាប់អញ្ជើញចូលរួមក្នុងការប្រកួតបាល់ទាត់ពិភពលោកឆ្នាំ 2018 នៅប្រទេសរុស្ស៊ីផងដែរ។

លោក Macron មានប្រសាសន៍ថា៖ “ខ្ញុំគិតថាកីឡា មិនគួរទាក់ទងនឹងនយោបាយទេ។ សំណួរទាំងនោះគួរតែសួរនៅពេលដែលព្រឹត្តិការណ៍ត្រូវបានបញ្ចប់។ ទោះវាជាសំណួរទាក់ទងនឹងបញ្ហាអាកាសធាតុ ឬសិទ្ធិមនុស្សក្ដី ក៏យើងមិនគួរសួរ អំឡុងពេលព្រឹត្តិការណ៍កំពុងដំណើរការឡើយ។”

ទស្សនៈរបស់លោក Macron បានឆ្លុះបញ្ចាំងពីការគាំទ្រលើប្រសាសន៍របស់លោក Gianni Infantino ប្រធាន FIFA ដែលបានប្រាប់ឱ្យក្រុមទាំងអស់នៅ World Cup ផ្តោតលើកីឡាបាល់ទាត់ ក្រោយមានភាពចម្រូងចម្រាសជាច្រើនទាក់ទងនឹងប្រទេសម្ចាស់ផ្ទះ ជុំវិញបញ្ហាពលករចំណាកស្រុក និងច្បាប់គៀបសង្កត់លើអ្នកស្រឡាញ់ភេទដូចគ្នាជាដើម។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 18 ខែធ្នូ ឆ្នាំ 2022៕

អត្ថបទទាក់ទង

ប្រធានាធិបតីបារាំង ប្រតិកម្មនឹងការរិះគន់ World Cup នៅប្រទេសកាតា

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស