Ronaldo ថាគាត់នឹងចូលនិវត្តន៍ បើព័រទុយហ្គាល់ឈ្នះពានរង្វាន់ World Cup

FIFA World Cup
November 18th, 2022 (2 years)
1854 Views
Share

Cristiano Ronaldo គូសបញ្ជាក់ថា គាត់គ្រោងនឹងចូលនិវត្តន៍ពីបាល់ទាត់នៅអាយុ 40 ឆ្នាំ ហើយថែមទាំងបានអះអាងថា World Cup លើកនេះ ប្រហែលជាការបង្ហាញខ្លួនលើកចុងក្រោយរបស់គាត់ហើយ។

កីឡាករសញ្ជាតិព័រទុយហ្គាល់ ដែលនឹងមានអាយុ 38 ឆ្នាំនៅក្នុងខែកុម្ភៈខាងមុខ បានឈ្នះពានរង្វាន់ Ballon d’Or ចំនួន 5 ដង និងឈ្នះពានរង្វាន់ជាច្រើនជាមួយ Manchester United, Real Madrid, Juventus និងក្រុមជម្រើសជាតិព័រទុយហ្គាល់។

ក្នុងផែនការចូលនិវត្តន៍ Ronaldo បានប្រាប់លោក Piers Morgan ក្នុងបទសម្ភាសមួយថា៖ “ខ្ញុំចង់លេងពីរ បីឆ្នាំទៀត។ ពីរ ឬបីឆ្នាំគឺគ្រប់គ្រាន់ហើយ។ ខ្ញុំចង់បញ្ចប់អាជីពនៅអាយុ 40 ឆ្នាំ។”

Ronaldo បន្តថា៖ “ប៉ុន្តែ ខ្ញុំមិនអាចទាយទុកបានទេ ។ ពេលខ្លះអ្នករៀបចំផែនការមួយសម្រាប់ជីវិតរបស់អ្នក។ ដូចដែលខ្ញុំធ្លាប់និយាយជាច្រើនដងមកហើយ ជីវិតគឺមានការបត់បែនតាមកាលៈទេសៈ។ អ្នកមិនដឹងទេថានឹងមានអ្វីកើតឡើង”។

ប៉ុន្តែនៅពេលត្រូវបានសួរថា បើសិនព័រទុយហ្គាល់ឈ្នះ World Cup តើគាត់នឹងចូលនិវត្តន៍ឬយ៉ាងណា Ronaldo ថា៖ “បាទ ខ្ញុំនឹងចូលនិវត្តន៍ 100%” ។

នៅប្រទេសកាតា Ronaldo នឹងបង្ហាញខ្លួននៅ World Cup ជាលើកទី 5 ក្នុងអាជីព ហើយគាត់មានទំនុកចិត្តលើឱកាសរបស់ព័រទុយហ្គាល់ក្នុងការបង្កើតកំណត់ត្រាក្នុងរដូវរងានេះ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 18 ខែធ្នូ ឆ្នាំ 2022៕

អត្ថបទទាក់ទង

Ronaldo ថាគាត់នឹងចូលនិវត្តន៍ បើព័រទុយហ្គាល់ឈ្នះពានរង្វាន់ World Cup

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស