Darwin Nuzez ថាគោលដៅរបស់អ៊ុយរុយហ្គាយ គឺការឈ្នះពានរង្វាន់ World Cup

FIFA World Cup
November 18th, 2022 (2 years)
1639 Views
Share

Darwin Nunez ខ្សែប្រយុទ្ធក្រុម Liverpool បាននិយាយកាលពីពេលថ្មីៗនេះថា អ៊ុយរុយហ្គាយ បានត្រៀមខ្លួនរួចជាស្រេចសម្រាប់ FIFA World Cup 2022 នៅប្រទេសកាតា។ ពួកគេនឹងបើកឆាកជួបជាមួយកូរ៉េខាងត្បូង មុនពេលជួបព័រទុយហ្គាល់ និងហ្គាណា ក្នុងពូល H ។

Nunez បាន និយាយ អំឡុង ពេលហ្វឹកហាត់ មុន ការ ប្រកួត World Cup ថា៖ “ការប្រកួតបើកឆាកទល់នឹងកូរ៉េខាងត្បូង គឺសំខាន់ណាស់។ យើងនឹងជួបជាមួយក្រុមខ្លាំងមួយនៅ World Cup”។

Nunez ដែលបានស៊ុតបញ្ចូលទីបាន 9 គ្រាប់ក្នុងការបង្ហាញខ្លួន 18 ប្រកួតនៅគ្រប់កម្មវិធីប្រកួតទាំងអស់ ចាប់តាំងពីចូលរួមជាមួយ Liverpool ពី Benfica បានបន្តថា “យើងចង់ទៅឱ្យឆ្ងាយនៅក្នុងព្រឹត្តិការណ៍នេះ”។ “គោលបំណងរបស់យើងគឺឈ្នះពានរង្វាន់ World Cup ប៉ុន្តែដំបូងយើងផ្ដោតលើការប្រកួតជាមួយកូរ៉េខាងត្បូងជាមុនសិន”។

អ៊ុយរុយហ្គាយ ទទួលបានកៅអីមួយសម្រាប់ FIFA World Cup 2022 ដោយបញ្ចប់ក្នុងចំណាត់ថ្នាក់លេខ 3 ក្នុងវគ្គជម្រុះតាមពូល នៃតំបន់អាមេរិកខាងត្បូង ដែលមាន 10 ក្រុម តាមពីក្រោយប្រេស៊ីល និងអាហ្សង់ទីន។

ទោះបីជាមានប្រជាជនតែជាង 3.5 លាននាក់ក៏ដោយ ក៏អ៊ុយរុយហ្គាយ តែងតែធ្វើបានល្អនៅក្នុងកីឡាបាល់ទាត់។ ពួកគេ ជាជើងឯក World Cup ក្នុងឆ្នាំ 1930 និង 1950 ហើយបានឈានទៅវគ្គ 16 ក្រុមចុងក្រោយ ឬវគ្គជ្រៅជាងនេះ ក្នុងព្រឹត្តិការណ៍ World Cup ចំនួន 3 ដងចុងក្រោយ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 18 ខែធ្នូ ឆ្នាំ 2022៕

អត្ថបទទាក់ទង

Darwin Nuzez ថាគោលដៅរបស់អ៊ុយរុយហ្គាយ គឺការឈ្នះពានរង្វាន់ World Cup

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស