បាល់ដែលប៉ះជាមួយ “ដៃព្រះ” របស់ Maradona លក់បានជិត ២,៤លានដុល្លារ

FIFA World Cup
November 18th, 2022 (2 years)
1362 Views
Share

បាល់ដែល Diego Maradona រុញចូលទីអង់គ្លេស ដែលស្គាល់ថា “ដៃព្រះ” នៅ World Cup ឆ្នាំ១៩៨៦ ត្រូវបានលក់ក្នុងតម្លៃជិត ២,៤ លានដុល្លារ ក្នុងការដេញថ្លៃមួយ កាលពីថ្ងៃទី ១៦ ខែវិច្ឆិកា។

លោក Ali Bin Nasser អតីតមន្ត្រីការប្រកួតជនជាតិទុយណេស៊ី ដែលដឹកនាំការប្រកួតវគ្គ ៨ ក្រុមចុងក្រោយ រវាងអាហ្សង់ទីន និងអង់គ្លេស នៅប្រទេសម៉ិកស៊ិក បានលក់បាល់ដែលមានអាយុកាល ៣៦ឆ្នាំ នៅក្នុងការដេញថ្លៃ Graham Budd ក្នុងទីក្រុងឡុងដ៍ ចក្រភពអង់គ្លេស ក្នុងតម្លៃ ២លានផោន (២,៣៧លានដុល្លារ)។

លោក Bin Nasser បាននិយាយមុនពេលការដេញថ្លៃនេះថា គាត់មានអារម្មណ៍ថាវាជាពេលវេលាដ៏ត្រឹមត្រូវក្នុងការចែករំលែកវត្ថុនេះជាមួយពិភពលោក ហើយបានសង្ឃឹមថា អ្នកទិញនឹងដាក់បង្ហាញវាជាសាធារណៈ។

Maradona បានផ្ដល់ការនាំមុខដល់អាហ្សង់ទីន ដោយការរុញបាល់ផុតអ្នកចាំទីរបស់ក្រុមជម្រើសជាតិអង់គ្លេស Peter Shilton ដោយក្រោយមកគាត់និយាយថាវាប៉ះ “ក្បាលរបស់ Maradona បន្តិច និងប៉ះដៃរបស់ព្រះបន្តិច”។

វាត្រូវបានគេបោះឆ្នោតថា “Goal of the Century (គ្រាប់បាល់ប្រចាំសតវត្សរ៍)” នៅក្នុងការស្ទង់មតិរបស់ FIFA ឆ្នាំ 2002 ។

កាលពីខែឧសភាឆ្នាំមុន អាវលេខ 10 ដែល Maradona ពាក់ក្នុងការប្រកួតវគ្គផ្តាច់ព្រ័ត្រ ត្រូវបានលក់ក្នុងតម្លៃជាង ៩ លានអឺរ៉ូ ដែលជាកំណត់ត្រាពិភពលោកថ្មីមួយ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 28 ខែធ្នូ ឆ្នាំ 2022៕

អត្ថបទទាក់ទង

បាល់ដែលប៉ះជាមួយ “ដៃព្រះ” របស់ Maradona លក់បានជិត ២,៤លានដុល្លារ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស