អ្នកចាំទីអ៊ុយរុយហ្គាយ ត្អូញត្អែរពីបញ្ហាបាល់ដែលប្រើនៅ World Cup លឿនជាងមុន

FIFA World Cup
November 21st, 2022 (2 years)
1530 Views
Share

អ្នកចាំទី Sergio Rochet របស់ក្រុមអ៊ុយរុយហ្គាយ បាននិយាយថា ពួកគេកំពុងប្រឈមមុខនឹងការងារដ៏លំបាកជាងមុន នៅក្នុងការប្រកួតនៃព្រឹត្តិការណ៍ FIFA World Cup Qatar 2022 ខណៈបាល់ថ្មីដែលទាត់ចេញទៅ បានធ្វើដំណើរលឿនជាងមុន។

មិនខុសនោះទេ FIFA បាននិយាយថា បាល់ថ្មីដែលមានឈ្មោះថា Al Rihla ឬ “the journey” ជាភាសាអារ៉ាប់ អាចធ្វើដំណើរលឿនជាងបាល់ផ្សេងទៀត ក្នុងប្រវត្តិសាស្ត្រ។

អ្នកចាំទី Rochet បានប្រាប់អ្នកសារព័ត៌មានកាលពីថ្ងៃអាទិត្យក្នុងសន្និសីទសារព័ត៌មានមុនការប្រកួត ទល់នឹងកូរ៉េខាងត្បូងថា៖ “ពីមួយឆ្នាំទៅមួយឆ្នាំ វាកាន់តែប្រសើរឡើងសម្រាប់ខ្សែប្រយុទ្ធ ប៉ុន្តែសម្រាប់អ្នកចាំទីដូចជាខ្ញុំ វាពិតជាលំបាកខ្លាំងណាស់”។

Rochet បាននិយាយបន្តថា៖ “នេះគឺជាបាល់ដ៏លឿន។ ពួកយើងកំពុងស្ថិតក្នុងដំណើរការនៃការសម្របខ្លួនជាមួយវា”។

កីឡាករវ័យ 29 ឆ្នាំដែលលេងឱ្យក្លិប Nacional ក្នុងប្រទេសកំណើតរបស់គាត់ បានក្លាយជាអ្នកចាំទីដៃទីមួយ សម្រាប់គ្រូបង្វឹកអ៊ុយរុយហ្គាយលោក Diego Alonso ។

បន្ទាប់ពីការប្រកួតជាមួយកូរ៉េខាងត្បូងនៅថ្ងៃទី24 វិច្ឆិកា អ៊ុយរុយហ្គាយដែលជាម្ចាស់ជើងឯកពិភពលោកពីរសម័យត្រូវ ប៉ះ ព័រទុយហ្គាល់នៅថ្ងៃទី28 វិច្ឆិកា និង ហ្គាណានៅថ្ងៃទី2 ធ្នូ ក្នុងពូល H ដែលការប្រកួតទាំងអស់នេះ CBS (CTN, MyTV និង CNC) នឹងផ្សាយបន្តផ្ទាល់ផ្ដាច់មុខតែមួយគត់នៅប្រទេសកម្ពុជា៕

អត្ថបទទាក់ទង

អ្នកចាំទីអ៊ុយរុយហ្គាយ ត្អូញត្អែរពីបញ្ហាបាល់ដែលប្រើនៅ World Cup លឿនជាងមុន

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស