គ្រូអង់គ្លេសថា ពេលខ្លះបាល់ទាត់គឺបែបនេះ ក្រោយស្មើជាមួយអាមេរិក (មានវីដេអូ Highlight)

FIFA World Cup
November 26th, 2022 (2 years)
1529 Views
Share

លោក Gareth Southgate គ្រូបង្វឹកក្រុមអង់គ្លេស ជឿជាក់ថា ក្រុមរបស់គាត់ បានបង្ហាញនូវគុណភាពហើយ ទោះបីជាប្រកួតស្មើជាមួយសហរដ្ឋអាមេរិកដោយគ្មានគ្រាប់បាល់ក៏ដោយ។

ការទទួលជ័យជម្នះ 6-2 លើអ៊ីរ៉ង់កាលពីប្រកួតបើកឆាក B នៃព្រឹត្តិការណ៍ FIFA World Cup Qatar 2022 បានបង្ហាញពីទម្រង់លេងដ៏ល្អ និងការបញ្ចប់ទីប្រកបប្រសិទ្ធភាពរបស់អង់គ្លេស។

ប៉ុន្តែ កាលពីយប់នេះ ក្នុងការប្រកួតទល់ នឹង សហរដ្ឋ អាមេរិក ក្រុមតោកំណាចអង់គ្លេស ជួបការលំបាកនៅក្នុងការបំប៉ោងសំណាញ់ទីរបស់គូប្រកួតរបស់ពួកគេ។

លោក Gareth Southgate បាននិយាយក្រោយក្រុមរបស់លោកយកបាន 1 ពិន្ទុពីអាមេរិក ថា ៖ “យើងលេងមិនទាន់ដល់កម្រិតដូចប្រកួតមុនទេ។ វាតែងតែកើតឡើង នេះគឺជាការប្រកួតបាល់ទាត់។ ពួកយើង ដឹងថាពេលខ្លះ បាល់ទាត់គឺ បែប នេះ ហើយ យើងត្រូវ បង្ហាញពី គុណ ភាពផ្សេងៗរបស់ពួកយើង ដើម្បី ទទួល បាន ផ្លែផ្កាពីការប្រកួតនេះ”។

អង់គ្លេស ឈរនៅលើកំពូលតារាង មាន 4 ពិន្ទុ ដោយត្រូវការត្រឹមស្មើជាមួយវែលស៍ នៅប្រកួតបន្ទាប់ ដើម្បីឈានទៅវគ្គ 16 ក្រុមចុងក្រោយ។ ការប្រកួតនេះនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN និង CNC តែមួយគត់ នៅថ្ងៃទី 29 ឈានចូលថ្ងៃទី 30 ខែវិច្ឆិកា ចាប់ពីម៉ោង 1:30 នាទីរំលងអធ្រាត្រតទៅ៕

(មានវីដេអូ highlight)

អត្ថបទទាក់ទង

គ្រូអង់គ្លេសថា ពេលខ្លះបាល់ទាត់គឺបែបនេះ ក្រោយស្មើជាមួយអាមេរិក (មានវីដេអូ Highlight)

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស