Kylian Mbappe ស៊ុតចូល2គ្រាប់ ខណៈបារាំងឡើងទៅវគ្គចាញ់ធ្លាក់មុនគេនៅ World Cup (មានវីដេអូ Highlight)

FIFA World Cup
November 27th, 2022 (2 years)
2097 Views
Share

Kylian Mbappe ស៊ុតបញ្ចូលទីបានពីរគ្រាប់ឱ្យបារាំង ខណៈក្រុមការពារតំណែងជើងឯក បានយកឈ្នះក្រុមដាណឺម៉ាក ក្នុងលទ្ធផល 2-1 ដើម្បីក្លាយជាក្រុមដំបូងគេដែលបានឡើងទៅវគ្គចាញ់ធ្លាក់ 16 ក្រុមចុងក្រោយ។

ខ្សែប្រយុទ្ធរបស់ក្លិប Paris St-Germain ផ្ដល់ការនាំមុខនៅនាទីទី 61 ដោយការលេង One-Two ជាមួយ Theo Hernandez ។ ប៉ុន្តែដាណឺម៉ាក បានតាមស្មើវិញ ត្រឹមតែរយៈពេល 7 នាទីក្រោយមក ខណៈខ្សែការពារ Andreas Christensen បានតែតបាល់បញ្ចូលទីរបស់បារាំងនៅនាទីទី 68 ។ នៅសល់ 4 នាទីចុងក្រោយនៃម៉ោងធម្មតា Mbappe បានបន្ថែមគ្រាប់បាល់ទីពីរ ពីការបញ្ជូនរបស់ Antoine Griezmann ដើម្បីធានាជ័យជម្នះរបស់បារាំង។

សូមជម្រាបថា កាលពី 4 ឆ្នាំមុន Mbappe បានក្លាយជាអ្នកស៊ុតបញ្ចូលទីក្មេងបំផុតរបស់បារាំង ក្នុងព្រឹត្តិការណ៍ FIFA World Cup 2018 នៅពេលអាយុ 19 ឆ្នាំ។

ជ័យជម្នះនេះ មានន័យថា បារាំងមាន 6 ពិន្ទុពីការប្រកួតចំនួន 2 លើក ខណៈអូស្ត្រាលី ឈរនៅលេខ 2 មាន 3 ពិន្ទុ ដែលមានគម្លាត 2 ពិន្ទុពី ដាណឺម៉ាក និង ទុយណេស៊ី៕

(ទស្សនាវីដេអូ highlight)

អត្ថបទទាក់ទង

Kylian Mbappe ស៊ុតចូល2គ្រាប់ ខណៈបារាំងឡើងទៅវគ្គចាញ់ធ្លាក់មុនគេនៅ World Cup (មានវីដេអូ Highlight)

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស