កាណាដា ហាលអាវត្រឹមវគ្គចែកពូល ទោះនៅសល់1ប្រកួតទៀតក៏ដោយ (មានវីដេអូ Highlight)

FIFA World Cup
November 28th, 2022 (1 year)
1193 Views
Share

ក្រូអាត បានបញ្ចប់ក្តីសង្ឃឹមរបស់កាណាដា សម្រាប់ការឡើងទៅវគ្គបន្តនៅព្រឹត្តិការណ៍ FIFA World Cup Qatar 2022 ដោយក្រុមជើងឯករងកាលពី4ឆ្នាំមុន បានវាយបកយកឈ្នះលើកាណាដាដែលបាននាំមុខមុន។

ខ្សែបម្រើស្លាបរបស់ Bayern Munich កីឡាករ Alphonso Davies បានជួយឱ្យកាណាដានាំមុខត្រឹមតែ 68 វិនាទីប៉ុណ្ណោះបន្ទាប់ពីការកញ្ចែចាប់ផ្ដើមការប្រកួត ជាមួយនឹងការតែតបាល់បញ្ចូលទីពីការបោះកាត់របស់ Tajon Buchanan ។

ប៉ុន្តែក្រូអាតមិនបានភ័យស្លន់ស្លោឡើយហើយបានបង្កើតឱកាសជាច្រើន ដោយខ្សែប្រយុទ្ធ Andrej Kramaric បានផ្ដល់បាល់មួយគ្រាប់នៅនាទីទី36 ហើយ Marko Livaja បានស៊ុតគ្រាប់ទីពីរឱ្យក្រូអាតនាំមុខ នៅចុងវគ្គទីមួយ។

Kramaric បានបន្ថែមគ្រាប់ទីពីររបស់ខ្លួននៅនាទីទី 70 មុនពេលដែលកីឡាករបម្រុង Lovro Majer បានបំប៉ោងសំណាញ់របស់កាណាដានៅនាទីទី 90+4 ។

សូមជម្រាបថា គ្រាប់បាល់ 1 គ្រាប់របស់កាណាដា ក្នុងបរាជ័យ 4-1 ទល់នឹងក្រូអាត គឺជាគ្រាប់បាល់ទី 1 របស់កាណាដាក្នុងព្រឹត្តិការណ៍នេះ ដោយពួកគេមិនទាន់មានពិន្ទុរាប់នៅឡើយទេ៕

(ទស្សនាវីដេអូ highlight)

អត្ថបទទាក់ទង