កូរ៉េខាងត្បូងត្រៀមប្រយុទ្ធយក3ពិន្ទុពីព័រទុយហ្គាល់យប់នេះ ទោះមានសង្ឃឹមតិចតួចក៏ដោយ

FIFA World Cup
December 2nd, 2022 (2 years)
2459 Views
Share

កូរ៉េខាងត្បូង បានបើកយុទ្ធនាការក្នុងពូល H របស់ពួកគេជាមួយនឹងលទ្ធផលស្មើទល់នឹងអ៊ុយរុយហ្គាយ មុនពេលរងបរាជ័យក្នុងលទ្ធផល 3-2 ក្រោមថ្វីជើងរបស់ក្រុមហ្គាណា ក្នុងការប្រកួតទីពីររបស់ពួកគេ។

ក្រុមរបស់លោក Paulo Bento ឈរនៅលេខរៀងលេខ 3 ដោយមាន 1 ពិន្ទុ ប៉ុន្តែពួកគេនៅតែអាចឈានទៅវគ្គ 16 ក្រុមចុងក្រោយនៃព្រឹត្តិការណ៍ FIFA World Cup Qatar 2022 ។ ក្រុមរបស់លោក Bento នឹងត្រូវយកឈ្នះលើព័រទុយហ្គាល់ ហើយបើអ៊ុយរុយហ្គាយយកឈ្នះហ្គាណា នោះគេនឹងគិតលើផលសងគ្រាប់បាល់រវាងកូរ៉េខាងត្បូង និងអ៊ុយរុយហ្គាយ ថាតើក្រុមណានឹងទទួលបានចំណាត់ថ្នាក់លេខ 2 ។

សូមជម្រាបថា កូរ៉េខាងត្បូង បានឈានទៅវគ្គចាញ់ធ្លាក់ជាលើកចុងក្រោយរបស់ពួកគេ កាលពី World Cup ឆ្នាំ 2010 ។

ដោយឡែក ព័រទុយហ្គាល់ ត្រូវការត្រឹមស្មើប៉ុណ្ណោះ ដើម្បីធានាចំណាត់ថ្នាក់លេខ 1 បន្ទាប់ពីពួកគេបានកក់កៅអីនៅវគ្គ 16 ក្រុមចុងក្រោយរួចទៅហើយ។ ព័រទុយហ្គាល់ទំនងជាដកកីឡាករល្អៗរបស់ពួកគេទុកមួយប្រកួត ដើម្បីឱ្យសម្រាកត្រៀមលេងនៅវគ្គបន្ត។

កម្មវិធីផ្សាយបន្តផ្ទាល់យប់នេះ៖

-ហ្គាណា Vs អ៊ុយរុយហ្គាយ ផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN និង CNC តែមួយគត់ ចាប់ពីម៉ោង9:30នាទីយប់តទៅ
-កូរ៉េខាងត្បូង Vs ព័រទុយហ្គាល់ ផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV តែមួយគត់ ចាប់ពីម៉ោង9:30នាទីយប់តទៅ
-ស៊ែប Vs ស្វីស ផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTNនិង CNC តែមួយគត់ ចាប់ពីម៉ោង1:30នាទីរំលងអធ្រាត្រតទៅ
-កាម៉េរូន Vs ប្រេស៊ីល ផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV តែមួយគត់ ចាប់ពីម៉ោង1:30នាទីរំលងអធ្រាត្រតទៅ៕

អត្ថបទទាក់ទង

កូរ៉េខាងត្បូងត្រៀមប្រយុទ្ធយក3ពិន្ទុពីព័រទុយហ្គាល់យប់នេះ ទោះមានសង្ឃឹមតិចតួចក៏ដោយ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស