ហុល្លង់ប៉ះអាមេរិក ខណៈអាហ្សង់ទីនជួបអូស្ត្រាលី នៅវគ្គ16ក្រុមចុងក្រោយWorld Cupយប់នេះ ផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN, MyTV និង CNC តែមួយគត់

FIFA World Cup
December 3rd, 2022 (1 year)
1162 Views
Share

ការប្រកួតវគ្គ 16 ក្រុមចុងក្រោយ នៃព្រឹត្តិការណ៍ FIFA World Cup Qatar 2022 នឹងចាប់ផ្ដើមចាប់ពីយប់នេះតទៅ ជាមួយនឹងការប្រកួត 2 គូដ៏ជក់ចិត្ត។

ហុល្លង់ នឹងត្រូវជួបជាមួយសហរដ្ឋអាមេរិក ដែលមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV និង CNC តែមួយគត់ ចាប់ពីម៉ោង 9:30 នាទីយប់តទៅ។

ហុល្លង់ បានយកឈ្នះសេណេហ្គាល់ និងកាតា ដោយលទ្ធផល 2-0 ហើយប្រកួតស្មើ 1-1 ជាមួយអេក្វាឌ័រ នៅក្នុងវគ្គសន្សំពិន្ទុក្នុងពូល A ។ ចំណែក សហរដ្ឋអាមេរិក ស្មើជាមួយវែលស៍ 1-1 និងបន្តស្មើដោយគ្មានគ្រាប់បាល់ជាមួយអង់គ្លេស មុនពេលយកឈ្នះលើអ៊ីរ៉ង់ក្នុងការប្រកួតចុងក្រោយរបស់ពួកគេក្នុងពូល B។

សូមបញ្ជាក់ថា ហុល្លង់ បានយកឈ្នះអាមេរិក នៅក្នុងការប្រកួតមិត្តភាពអន្តរជាតិចំនួន 4 ដងក្នុងចំណោម 5 ប្រកួតកន្លងទៅ។

ក្នុងការប្រកួតមួយគូផ្សេងទៀត អាហ្សង់ទីន នឹងត្រូវតតាំងជាមួយ អូស្ត្រាលី ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN, MyTV និង CNC តែមួយគត់ ចាប់ពីម៉ោង 1:30 នាទីរំលងអធ្រាត្រតទៅ។

អាហ្សង់ទីន បានបង្កការភ្ញាក់ផ្អើលទូទាំងពិភពលោក នៅពេលដែលពួកគេបានប្រកួតបើកឆាកពូល C ចាញ់អារ៉ាប៊ីសាអ៊ូឌីត ប៉ុន្តែបានយកឈ្នះម៉ិកស៊ិក និងប៉ូឡូញជាបន្តបន្ទាប់ ដើម្បីបញ្ចប់នៅចំណាត់ថ្នាក់លេខ 1 ក្នុងពូលរបស់ពួកគេ។ រីឯ អូស្ត្រាលី ក្រៅតែពីរងការបរាជ័យក្រោមថ្វីជើងរបស់ក្រុមការពារតំណែងជើងឯកបារាំង មិនទាន់ស្មើ ឬចាញ់ទៀតឡើយ ខណៈពួកគេ បានយកឈ្នះទុយណេស៊ី និងដាណឺម៉ាក ដោយលទ្ធផល 1-0 ដូចគ្នា ក្នុងពូល D ។

គួរជម្រាបថា អូស្ត្រាលី បានយកឈ្នះអាហ្សង់ទីនតែម្ដងគត់ ក្នុងប្រវត្តិប៉ះគ្នា 7 ដងកន្លងទៅ៕

អត្ថបទទាក់ទង