ម៉ារ៉ុកប៉ះព័រទុយហ្គាល់នៅវគ្គ8ក្រុមចុងក្រោយ ផ្សាយបន្តផ្ទាល់នៅ CTN, MyTV និង CNC តែមួយគត់នាថ្ងៃទី10ខែធ្នូ

FIFA World Cup
December 7th, 2022 (2 years)
2170 Views
Share

ការប្រកួតចំនួន 2 គូចុងក្រោយ នៅវគ្គ 16 ក្រុមចុងក្រោយនៃព្រឹត្តិការណ៍ FIFA World Cup Qatar 2022 រវាងម៉ារ៉ុក ជាមួយអេស្ប៉ាញ ព្រមទាំងការប្រកួតរវាងព័រទុយហ្គាល់ ជាមួយស្វីស បានបញ្ចប់ ដែលបានធ្វើឱ្យយើងបានរកឃើញក្រុមទាំង 8 ដែលបានឈានទៅវគ្គបន្ទាប់។

ម៉ារ៉ុក បានយកឈ្នះលើអេស្ប៉ាញ ក្នុងការទាត់បាល់ប៉េណាល់ទី 3-0 បន្ទាប់ពីស្មើគ្នាដោយគ្មានគ្រាប់បាល់សម្រាប់ម៉ោងធម្មតា និងថែម 15 នាទីពីរដង ខណៈព័រទុយហ្គាល់ ទទួលជ័យជម្នះលើស្វីសយ៉ាងងាយស្រួល ក្នុងលទ្ធផល 6-1 ។ ដូច្នេះក្រុមទាំងពីរ នឹងត្រូវជួបគ្នានៅវគ្គ 8 ក្រុមចុងក្រោយ។

ការប្រកួតរវាងម៉ារ៉ុក ជាមួយព័រទុយហ្គាល់ នឹងធ្វើឡើងនៅថ្ងៃទី 10 ខែធ្នូ ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN, MyTV និង CNC តែមួយគត់ ចាប់ពីម៉ោង 9:30 នាទីយប់តទៅ។

សូមបញ្ជាក់ថា ក្រុមទាំង 8 រួមមាន៖ ហុល្លង់ អាហ្សង់ទីន អង់គ្លេស បារាំង ក្រូអាត ប្រេស៊ីល ម៉ារ៉ុក និងព័រទុយហ្គាល់។ ដូច្នេះ ក្រុមមកពីទ្វីបអឺរ៉ុប មាន ហុល្លង់ អង់គ្លេស បារាំង ក្រូអាត និងព័រទុយហ្គាល់។ ក្រុមមកពីអាមេរិកឡាទីន នៅសល់ អាហ្សង់ទីន និងប្រេស៊ីល ខណៈក្រុមតំណាងឱ្យទ្វីបអាហ្វ្រិក គឺនៅសល់តែ ម៉ារ៉ុក ប៉ុណ្ណោះ៕

អត្ថបទទាក់ទង

ម៉ារ៉ុកប៉ះព័រទុយហ្គាល់នៅវគ្គ8ក្រុមចុងក្រោយ ផ្សាយបន្តផ្ទាល់នៅ CTN, MyTV និង CNC តែមួយគត់នាថ្ងៃទី10ខែធ្នូ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស