Kyle Walker ថា Mbappe នឹងមិនអាចបញ្ឈប់អង់គ្លេសក្នុងការឈ្នះពានរង្វាន់ World Cup បានឡើយ

FIFA World Cup
December 8th, 2022 (2 years)
2166 Views
Share

ខ្សែការពារសញ្ជាតិអង់គ្លេស Kyle Walker បាននិយាយថា តារាបាល់ទាត់បារាំង Kylian Mbappe នឹងមិនរារាំងការឈ្នះពានរង្វាន់ World Cup របស់អង់គ្លេសបានឡើយ ខណៈអ្នកទាំងពីរ នឹងត្រូវជួបគ្នាក្នុងការប្រកួតវគ្គ 8 ក្រុមចុងក្រោយ ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN, MyTV និង CNC តែមួយគត់ នៅថ្ងៃទី 10 ឈានចូលថ្ងៃទី 11 ខែធ្នូ វេលាម៉ោង 1:30 នាទីរំលងអធ្រាត្រតទៅ។

Mbappe ដែលកំពុងនាំមុខគេក្នុងការឈ្នះស្បែកជើងមាសជាមួយ នឹងការស៊ុតបញ្ចូល ទី 5 គ្រាប់ក្នុង 4 ប្រកួតនោះបានវិលមកហ្វឹកហាត់ជាមួយក្រុមជម្រើសជាតិបារាំងវិញហើយកាលពីថ្ងៃពុធ បន្ទាប់ពីអវត្តមានពីការហ្វឹកហាត់កាលពីថ្ងៃអង្គារ។

Walker ត្រូវបានទុកចិត្តសម្រាប់ក្នុងការរារាំង Mbappe ហើយកីឡាករ វ័យ 32 ឆ្នាំរូបនេះបាននិយាយថាគាត់នឹងមិនឱ្យខ្សែប្រយុទ្ធបារាំងរូបនេះលេងបានដោយស្រួលៗទេ។

Walker បានប្រាប់ក្នុងសន្និសីទសារព័ត៌មានថា៖ “ពួកយើងទទួលស្គាល់ថាគាត់ជាកីឡាករដែលកំពុងមានទម្រង់លេងដ៏ល្អ ប៉ុន្តែមិនមែនខ្ញុំក្រាលកម្រាលព្រំក្រហម ហើយឱ្យគេរកគ្រាប់បាល់បានដោយងាយស្រួលនោះទេ។”

“ខ្ញុំតំណាងឱ្យប្រទេសរបស់ខ្ញុំនៅវគ្គ 8 ក្រុមចុងក្រោយ World Cup ។ នេះជាការប្រកួតចាញ់ធ្លាក់។ ប្រសិនបើយើងចាញ់ យើងត្រឡប់ទៅផ្ទះវិញ។ គាត់នឹងមិនមែនជាឧបសគ្គរបស់ខ្ញុំក្នុងវិថីទៅរកការឈ្នះពានរង្វាន់ World Cup សម្រាប់ប្រទេសរបស់ខ្ញុំនោះទេ៕”

អត្ថបទទាក់ទង

Kyle Walker ថា Mbappe នឹងមិនអាចបញ្ឈប់អង់គ្លេសក្នុងការឈ្នះពានរង្វាន់ World Cup បានឡើយ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស