ក្រូអាតបញ្ជាក់ពីការប្ដេជ្ញាចិត្តក្នុងការបិទMessiនិងអាហ្សង់ទីន នៅវគ្គពាក់កណ្ដាលផ្ដាច់ព្រ័ត្រ

FIFA World Cup
December 12th, 2022 (2 years)
2867 Views
Share

ក្រូអាត ដែលជាក្រុមជើងឯករងកាលពីឆ្នាំ 2018 នឹងត្រូវតតាំងជាមួយអាហ្សង់ទីន ក្នុងវគ្គពាក់កណ្ដាលផ្ដាច់ព្រ័ត្រ នៃព្រឹត្តិការណ៍ FIFA World Cup Qatar 2022 ស្របពេលដែលកីឡាកររបស់ក្រូអាត បានបង្ហាញពីការប្តេជ្ញារបស់ក្រូអាតនៅក្នុងការបញ្ឈប់ Messi និងអាហ្សង់ទីន ក្នុងការឈានរកការឈ្នះពានរង្វាន់បាល់ទាត់ពិភពលោក។

ខ្សែការពារក្រូអាត Josip Juranovic បាននិយាយថា៖ “ខ្ញុំគិតថាយើងមិនត្រូវខ្លាចគូប្រកួតណាមួយនោះទេ។ ពួកយើងត្រូវលេងឱ្យបានល្អបំផុត”។ “អាថ៌កំបាំងនៃភាពជោគជ័យគឺការរួបរួមរបស់ក្រុមរបស់ពួកយើង។ ពួកយើងប្រៀបបានទៅនឹងគ្រួសារតែមួយ”។

ចំណែកខ្សែប្រយុទ្ធក្រូអាត Bruno Petkovic បានបន្តថា៖ “យើងមិនទាន់មានផែនការជាក់លាក់នៅឡើយទេ ហើយមិនទាន់មានសម្រាប់ការបញ្ឈប់ Lionel Messi ឡើយ”។ “ជាធម្មតា យើងមិនផ្តោតលើការបញ្ឈប់កីឡាករតែម្នាក់ទេ គឺបញ្ឈប់ក្រុមទាំងមូល”។ “ពួកយើងមិនអាចបិទតែកីឡាករម្នាក់បានឡើយ ឬប្រើប្រាស់តាក់ទិចស្រដៀងគ្នានោះទេ។ អាហ្សង់ទីន មិនមែនមានតែ Messi ម្នាក់ឡើយ”។

Messi បានបង្ហាញទម្រង់លេងដ៏ល្អសម្រាប់អាហ្សង់ទីន នៅក្នុងព្រឹត្តិការណ៍ FIFA World Cup លើកនេះ ដោយស៊ុតបញ្ចូលទីបាន 4 គ្រាប់ក្នុង 5 ប្រកួត។ គាត់ក៏បានបញ្ជូនបាល់យ៉ាងល្អឱ្យ Nahuel Molina ដើម្បីសម្រេចទីរបស់ហុល្លង់ ក្នុងវគ្គ 8 ក្រុមចុងក្រោយកន្លងទៅផងដែរ។

ការប្រកួតវគ្គពាក់កណ្ដាលផ្ដាច់ព្រ័ត្រ រវាងអាហ្សង់ទីន ជាមួយក្រូអាត នឹងប្រព្រឹត្តទៅនៅយប់ថ្ងៃទី 13 ឈានចូលថ្ងៃទី 14 ខែធ្នូ ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN, MyTV និង CNC តែមួយគត់ ចាប់ពីម៉ោង 1:30 នាទីរំលងអធ្រាត្រតទៅ៕

អត្ថបទទាក់ទង

ក្រូអាតបញ្ជាក់ពីការប្ដេជ្ញាចិត្តក្នុងការបិទMessiនិងអាហ្សង់ទីន នៅវគ្គពាក់កណ្ដាលផ្ដាច់ព្រ័ត្រ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស