បេក្ខភាពទី 3 ដែលអាចឈ្នះពានរង្វាន់បាល់មាស World Cup

FIFA World Cup
December 16th, 2022 (12 months)
4365 Views
Share

ពានរង្វាន់បាល់មាស គឺសម្រាប់កីឡាករឆ្នើមបំផុតប្រចាំព្រឹត្តិការណ៍ FIFA World Cup ហើយកីឡាករឆ្នើមទី2 និងទី 3 ក៏នឹងទទួលបានពានរង្វាន់បាល់ប្រាក់ និង បាល់សំរឹទ្ធផងដែរ។

យោងតាម Insidesport បានវាយតម្លៃថា ខ្សែប្រយុទ្ធបារាំង Anthoine Griezmann បានបង្ហាញទម្រង់លេងយ៉ាងល្អ នៅក្នុងព្រឹត្តិការណ៍ FIFA World Cup Qatar 2022 ។ Griezmann បានជាសរសៃឈាមតភ្ជាប់រវាងប្រយុទ្ធ និងការពារ ក្នុងតួនាទីលេខ 10 របស់ក្រុមមាន់គក និងបានបង្កើតឱកាសច្រើនបំផុតសម្រាប់ពួកគេនៅក្នុងព្រឹត្តិការណ៍នេះ ពោលគឺច្រើនជាង Lionel Messi របស់ក្រុមអាហ្សង់ទីនទៅទៀត។

ក្នុងការបង្ហាញខ្លួន 4 ដង Griezmann បានផ្ដល់បាល់ Assist ចំនួន 3 ដង ស្មើជាមួយ Messi និងច្រើនជាង Kylian Mbappe 1 ដង។ គេក៏មានស្ថិតិបញ្ជូនបាល់ជោគជ័យ 85% ច្រើនជាង Messi ដែលមាន 84.7 % និង Mbappe ដែលមានតែ 83.4% ប៉ុណ្ណោះ៕

អត្ថបទទាក់ទង