អ្នកគាំទ្រអាហ្សង់ទីនប្រមូលផ្ដុំគ្នាយ៉ាងកកកុញ អបអរការឈ្នះពានរង្វាន់World Cup ជាលើកទី3

FIFA World Cup
December 19th, 2022 (2 years)
2430 Views
Share

អ្នកគាំទ្រអាហ្សង់ទីន បានប្រមូលផ្ដុំគ្នានៅតាមវិថីនានានៃទីក្រុង Buenos Aires ប្រទេសអាហ្សង់ទីន បន្ទាប់ពីក្រុមជម្រើសជាតិរបស់ពួកគេ បានយកឈ្នះបារាំង ក្នុងការប្រកួតវគ្គផ្តាច់ព្រ័ត្រ World Cup 2022 នៅប្រទេសកាតា។

នៅក្នុងការប្រកួតដ៏តានតឹងនៅកីឡដ្ឋាន Lusail ក្នុងទីក្រុងដូហា Lionel Messi បានដឹកនាំអាហ្សង់ទីនឱ្យឈ្នះជើងឯក World Cup ជាលើកទី 3 របស់ពួកគេ បន្ទាប់ពីបានយកឈ្នះក្រុមការពារតំណែងជើងឯកបារាំងក្នុងលទ្ធផល 4-2 ដោយការស៊ុតបាល់ប៉េណាល់ទី បន្ទាប់ពីស្មើ 3-3 ។

អ្នកគាំទ្រអាហ្សង់ទីនបានលើកទង់ជាតិ និងអាវពណ៌សលាយផ្ទៃមេឃ របស់ក្រុមអាហ្សង់ទីន នៅតាមទីប្រជុំជន ក្នុងទីក្រុង Buenos Aires និងទីតាំងល្បីៗផ្សេងទៀតបន្ទាប់ពីពួកគេក្លាយជាជើងឯក World Cup ។

គួររំឭកថា ក្រុមអាមេរិកខាងត្បូង ដែលបានចាញ់ការប្រកួតវគ្គផ្តាច់ព្រ័ត្រជាមួយអាល្លឺម៉ង់ក្នុងឆ្នាំ 2014 មិនបានឈ្នះការប្រកួតបាល់ទាត់ពិភពលោកចាប់តាំងពីឆ្នាំ 1986៕

អត្ថបទទាក់ទង

អ្នកគាំទ្រអាហ្សង់ទីនប្រមូលផ្ដុំគ្នាយ៉ាងកកកុញ អបអរការឈ្នះពានរង្វាន់World Cup ជាលើកទី3

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស