អ្នកមានទ្រព្យសម្បត្តិនៅស្រុកខ្មែរបង្កើតកម្មវិធីប្រកួតបាល់ទាត់និងប្រដាល់ ដណ្ដើមប្រាក់រង្វាន់រាប់សិបម៉ឺនដុល្លារ

ប្រដាល់
January 11th, 2023 (2 years)
1115 Views
Share

ថ្មីៗនេះ ការឈ្នះពានរង្វាន់ និងខ្សែក្រវាត់ស្ដេចថៃ របស់ ធឿន ធារ៉ា បានបង្កឱ្យផ្ទុះការចាប់អារម្មណ៍ខ្លាំងពីគ្រប់មជ្ឈដ្ឋាន ដែលសង្កេតឃើញមានអ្នកមានទ្រព្យសម្បត្តិនៅស្រុកខ្មែរ បានចូលរួមផ្ដល់ប្រាក់ឧបត្ថម្ភជាហូរហែដល់កីឡាករកម្ពុជាដែលបាននាំយកកិត្តិយសជូនជាតិ។

បន្ថែមពីនេះ គណនីហ្វេសប៊ុក “ទ្រី ដាណា Dana Try” នៅព្រឹកនេះ បានប្រកាសថា គាត់នឹងរៀបចំការប្រកួតដណ្ដើមពានរង្វាន់ និងខ្សែក្រវាត់សម្រាប់កីឡាបាល់ទាត់ និងប្រដាល់ជាតិយើង អមជាមួយនឹងទឹកប្រាក់ជាង 30 ម៉ឺនដុល្លារអាមេរិកសម្រាប់ការរៀបចំកម្មវិធី។

ទោះជាយ៉ាងណា នេះគ្រាន់តែជាការបង្ហើបប៉ុណ្ណោះ ចំពោះកាលបរិច្ឆេទជាក់លាក់នៃការប្រកួតសម្រាប់កម្មវិធីទាំងពីរ អាចនឹងត្រូវបានប្រកាសនៅពេលក្រោយ។

សូមជម្រាបថា ធឿន ធារ៉ា បានធ្វើដំណើរត្រឡប់មកមាតុប្រទេសវិញជាមួយនឹងមោនកភាព បន្ទាប់ពីទទួលជ័យជម្នះលើកីឡាករប្រដាល់ថៃ សៃយោគ ក្នុងវគ្គផ្ដាច់ព្រ័ត្រកម្មវិធីមួយ ដោយផ្ដួលគូប្រកួតឱ្យអាជ្ញាកណ្ដាលបញ្ឈប់ត្រឹមទឹក 1កាលពីថ្ងៃទី 24 ខែធ្នូ ឆ្នាំ 2022 ៕

អត្ថបទទាក់ទង

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស