ខ្សែបម្រើ Paul Pogba ត្រៀមបន្តកុងត្រាថ្មីជាមួយ Man Utd

បាល់ទាត់
September 14th, 2021 (4 years)
2114 Views
Share

ខ្សែបម្រើ Paul Pogba ត្រូវបានគេរាយការណ៍ថា កំពុងងាកមកចាប់អារម្មណ៍ ជាមួយនឹងការចុះហត្ថលេខាលើកិច្ចសន្យាថ្មីបន្ថែមទៀត ជាមួយក្លិបបិសាចក្រហម Manchester United ។

កិច្ចសន្យាបច្ចុប្បន្នរបស់កីឡាករសញ្ជាតិបារាំងរូបនេះ ឈានចូលដល់ឆ្នាំចុងក្រោយហើយ ចំពេលកន្លងមក Pogba នៅតែបន្តមានទំនាក់ទំងយ៉ាងខ្លាំង ក្នុងការផ្ទេរទៅចូលរួមជាមួយក្លិប Real Madrid ដោយគ្មានតម្លៃខ្លួន នៅរដូវក្តៅឆ្នាំក្រោយនេះ។

ក្លិបយក្សអេស្ប៉ាញខាងលើ ត្រូវបានគេចាត់ទុកថាជាគោលដៅធំមួយ ដែល Pogba អាចនឹងផ្ទេរទៅចូលរួមនៅឆ្នាំ២០២២ ខាងមុខ ប៉ុន្តែយ៉ាងណាបើយោងតាមការចុះផ្សាយបានឱ្យដឹងថា បច្ចុប្បន្ន Pogba ហាក់ពេញចិត្តជាមួយនឹងការស្នាក់នៅទឹកដី Old Trafford បន្តជាង។

មិនតែប៉ុណ្ណោះ ខ្សែបម្រើវ័យ ២៨ ឆ្នាំនេះ ត្រូវបានរាយការណ៍ថា អាចនឹងទទួលការពិភាក្សាជុំវិញការបន្តកុងត្រាថ្មីបន្ថែមទៀត ពោលគឺបន្ទាប់ពីមកដល់របស់ខ្សែប្រយុទ្ធ Cristiano Ronaldo និងការទទួលជ័យជម្នះដោយលទ្ធផល ៤-១ លើក្រុម Newcastle United កាលពីថ្ងៃសៅរ៍ ដែលត្រូវបានគេយល់ថាជាកត្តាដ៏សំខាន់ ក្នុងការសម្រេចចិត្តនេះតែម្តង៕

អត្ថបទទាក់ទង

ខ្សែបម្រើ Paul Pogba ត្រៀមបន្តកុងត្រាថ្មីជាមួយ Man Utd

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស