ប្រទេសថៃឡង់ដ៍រៀបចំកីឡាករ ៣,៦៦០នាក់ សម្តែងគុណ Wai Kru នៃកីឡាប្រដាល់ Muay Thai បំបែកកំណត់ត្រាពិភពលោក

ប្រដាល់
February 7th, 2023 (2 years)
1152 Views
Share

ថៃឡង់ដ៍៖ អ្នកប្រដាល់ Muay Thai ចំនួន ៣,៦៦០ នាក់បានមកជួបជុំគ្នានៅក្នុងទីប្រជុំជន Prachuap Khiri Khan កាលពីថ្ងៃចន្ទដើមសប្តាហ៍ ដើម្បីរៀបចំការសម្តែងគុណ “Wai Kru” ជាព្រឹត្តិការណ៍ដ៏ធំបំផុតដោយបានបំបែកកំណត់ត្រាពិភពលោក (Guinness World Record) ។ គុណ “Wai Kru” គឺជាការរំលឹក និងគោរពដល់គុណគ្រូ ឪពុកម្តាយ និងបុព្វបុរស មុនការប្រកួត ។

អ្នកប្រដាល់កីឡា Muay Thai អាជីពម្នាក់ ឈ្មោះ Sombat Banchamek ឬមានឈ្មោះនៅលើសង្វៀនប្រដាល់ថា Buakaw Banchamek បានដឹកនាំអ្នកប្រដាល់ជាង៣០០០នាក់ ឱ្យចូលរួមសម្តែងជាលក្ខណៈទ្រង់ទ្រាយធំបែបនេះ ។

គណៈកម្មការកាត់ក្តីរបស់កំណត់ត្រាពិភពលោក (Guinness World Record) លោក Kazayoshi Kirimura បានបញ្ជាក់ថា កំណត់ត្រាកាលពីមុន មានអ្នកប្រដាល់ចូលរួមត្រឹមតែ ២៥០នាក់តែប៉ុណ្ណោះ ។ ហើយសម្រាប់លទ្ធផលចុងក្រោយនេះ គឺមានកីឡាករចូលរួមរហូតដល់បីពាន់ប្រាំមួយរយហុកសិបនាក់។ គាត់បន្ថែមថា វាពិតជាអស្ចារ្យណាស់ ។

គេស្គាល់ថា កីឡាមួយប្រភេទនេះ គឺជា ‘សិល្បៈនៃសារពាង្គកាយទាំងប្រាំបី’ ដោយសារតែកីឡាករទទួលបានការអនុញ្ញាតឱ្យផ្តួលគូប្រកួតដោយការប្រើប្រាស់ជើង ជង្គង់ កែង និងកណ្តាប់ដៃ ។

ថ្ងៃចន្ទទី៦ ខែកុម្ភៈ ក៏ជាថ្ងៃរៀបចំកីឡា Muay Thai ក្នុងប្រទេសថៃឡង់ដ៍ និងជាការរំលឹកដល់ស្តេច Sanphet ទី៨ (ឬស្គាល់ថា “ព្រះចៅស៊ឺ” មានន័យថា “ស្តេចខ្លា”) ក្នុងពិធីឡើងសោយរាជ្យក្នុងឆ្នាំ ១៧០២ ៕

ប្រែសម្រួល៖ ឡេង លាងហេង
ប្រភព៖ Reuters Connect

អត្ថបទទាក់ទង

ប្រទេសថៃឡង់ដ៍រៀបចំកីឡាករ ៣,៦៦០នាក់ សម្តែងគុណ Wai Kru នៃកីឡាប្រដាល់ Muay Thai បំបែកកំណត់ត្រាពិភពលោក

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស