អតីតម្ចាស់មេដាយមាសអូឡាំពិក Joseph Schooling ដកខ្លួនចេញពីស៊ីហ្គេម២០២៣ដោយសារបញ្ហាផ្ទាល់ខ្លួន

កីឡាចម្រុះ
March 2nd, 2023 (2 years)
855 Views
Share

កីឡាករហែលទឹកជនជាតិសិង្ហបុរី Joseph Schooling ដែលជាម្ចាស់មេដាយមាសពីព្រឹត្តិការណ៍កីឡាអូឡាំពិកឆ្នាំ២០១៦លើវិញ្ញាសាហែលមេអំបៅចម្ងាយ១០០ម៉ែត្រ បាននិយាយកាលពីថ្ងៃពុធថា គាត់នឹងដកខ្លួនពីការប្រកួតកីឡាស៊ីហ្គេម ដែលនឹងធ្វើឡើងចាប់ពីថ្ងៃទី ៥ ដល់ថ្ងៃទី១៧ ខែឧសភា ឆ្នាំ២០២៣។

ម្ចាស់មេដាយមាសអូឡាំពិក២០១៦ដែលបានយកឈ្នះជើងខ្លាំងហែលទឹកកីឡាករ Michael Phelps បានបញ្ជាក់ថា ការសម្រេចចិត្តនេះមិនមែនរឿងងាយស្រួលនោះទេ ប៉ុន្តែបច្ចុប្បន្នសមត្ថភាពរបស់គាត់មិនទាន់ដូចពីមុន។

កីឡាករដែលមានរូបរាងសង្ហា វ័យ២៧ឆ្នាំ បានបន្តថាគាត់បានសម្រេចចិត្តផ្តល់តួនាទីនេះទៅកាន់មិត្តរួមក្រុមរបស់គាត់ ហើយគាត់នឹងផ្ដោតលើកាតព្វកិច្ចយោធារបស់គាត់។

ទោះជាយ៉ាងណា Schooling បានបំពេញកាតព្វកិច្ចយោធាបានរយៈពេលពីរឆ្នាំហើយ។ ប៉ុន្តែ កាលពីឆ្នាំមុន គាត់បានជាប់ពាក់ព័ន្ធនឹងរឿងអាស្រូវប្រើប្រាស់គ្រឿងញឿន។ កីឡាករសិង្ហបុរីរូបនេះ បានសារភាពថាខ្លួនបានប្រើប្រាស់កញ្ឆា។ ជាលទ្ធផល គាត់ត្រូវបានផ្តល់ការព្រមាន និងត្រូវធ្វើតេស្តទឹកនោមជាប្រចាំក្នុងរយៈពេល៦ខែ។

មេដាយមាសរបស់ Schooling ដែលបានឈ្នះពីស៊ីហ្គេមចាប់តាំងពីឆ្នាំ២០១១ មានដូចខាងក្រោម៖
២០១១ ឈ្នះ ២គ្រឿង
២០១៣ ឈ្នះ ៦គ្រឿង
២០១៥ ឈ្នះ ៩គ្រឿង
២០១៧ ឈ្នះ ៦គ្រឿង
២០១៩ ឈ្នះ ៤គ្រឿង
២០២១ ឈ្នះ ២គ្រឿង៕

អត្ថបទទាក់ទង

អតីតម្ចាស់មេដាយមាសអូឡាំពិក Joseph Schooling ដកខ្លួនចេញពីស៊ីហ្គេម២០២៣ដោយសារបញ្ហាផ្ទាល់ខ្លួន

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស