ក្បួនដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេមនៅប្រទេសវៀតណាមបញ្ចប់ដោយជោគជ័យ ដោយមានអ្នកចូលរួមប្រមាណ៤០០នាក់

កីឡាចម្រុះ
March 24th, 2023 (2 years)
585 Views
Share

ក្បួនដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅជុំវិញបឹង Hoàn Kiếm នៃរដ្ឋធានីហាណូយ ប្រទេសវៀតណាម បានបញ្ចប់ដោយរលូន និងទទួលបានជោគជ័យ នៅថ្ងៃទី២៤ ខែមីនានេះ។ នេះបើយោងតាម CAMSOC ។

ពិធីនេះធ្វើឡើងដោយមាននិស្សិតខ្មែរ និងកីឡាករ-កីឡាការិនីវៀតណាមចូលរួមរត់ដង្ហែប្រមាណ ៤០០នាក់ ព្រមទាំងទទួលបានការសាទរយ៉ាងច្រើនកុះករពីពលរដ្ឋវៀតណាម តាមដងផ្លូវ ក្រោមវត្តមានលោក ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេសតំណាង CAMSOC និងលោកស្រី ជា គឹមថា ឯកអគ្គរាជទូតកម្ពុជាប្រចាំប្រទេសវៀតណាម លោក ហ័ង ដាវគឿង អនុរដ្ឋមន្ត្រីក្រសួងវប្បធម៌ កីឡា និងទេសចរណ៍ លោក ដាំង ហាវៀត អគ្គនាយកនៃអគ្គនាយកដ្ឋានកីឡា នៃក្រសួងវប្បធម៌ កីឡា និងទេសចរណ៍ នៃសាធារណរដ្ឋសង្គមនិយមវៀតណាម និងជាអនុប្រធានគណៈកម្មាធិការអូឡាំពិកវៀតណាម ថ្នាក់ដឹកនាំតំណាងក្រសួងការបរទេសវៀតណាម ថ្នាក់ដឹកនាំតំណាងគណៈកម្មាធិការប្រជាជន ក្រុងហាណូយ ព្រមទាំងមានការចូលរួមអបអរសាទរពីយុវជន មហាជនជាច្រើនផងដែរ។

សូមជម្រាបជូនថា នៅថ្ងៃទី២៥ ខែមីនា ឆ្នាំ២០២៣ ភ្លើងគប់នេះ នឹងបន្តចេញដំណើរពីក្រុងហាណូយ ប្រទេសវៀតណាម ដើម្បីឆ្ពោះទៅកាន់ក្រុងម៉ានីល ប្រទេសហ្វីលីពីន៕

អត្ថបទ៖ វឿន សាវុធ

អត្ថបទទាក់ទង

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស