អ្នកវាយកូនបាល់ Stefanos Tsitsipas និង Hubert Hurkacz ចាប់ដៃគ្នាឡើងជុំទី២ កម្មវិធី French Open 2023

កីឡាចម្រុះ
May 29th, 2023 (2 years)
514 Views
Share

ការប្រកួតវាយកូនបាល់កម្រិត Grand Slam ទីលានដីឥដ្ឋ កម្មវិធី French Open 2023 បានចាប់ផ្តើមដំណើរការជាផ្លូវការហើយ ដែលការប្រកួតធ្វើឡើងនាទីក្រុងប៉ារីស ប្រទេសបារាំង។

ជាក់ស្តែង ក្នុងជំនួបជុំទី១នេះគឺកីឡាករក្រិច Stefanos Tsitsipas ដែលកំពុងឈរចំណាត់ថ្នាក់លេខ៥ ពិភពលោក បានយកឈ្នះទៅលើ កីឡាករឆេក Jiří Veselý តាមរយៈលទ្ធផល 7-5 6-3 4-6 និង 7-6 ចាយពេលអស់ ៣ម៉ោង ១៣នាទី។

Stefanos Tsitsipas នឹងបន្តឡើងទៅកាន់ជុំទី២ ជួបជាមួយកីឡាករអេស្ប៉ាញ Roberto Carballés Baena ដែលបានទម្លាក់កីឡាករអាមេរិក Emilio Nava។
រីឯការប្រកួត១គូទៀតគឺកីឡាករជើងខ្លាំងរបស់ប៉ូឡូញ Hubert Hurkacz បានយកឈ្នះទៅលើកីឡាករបែលហ្ស៊ីក David Goffin តាមរយៈលទ្ធផល 6-3 5-7 6-4 2-6 និង 6-4 ចាយពេលអស់ ៣ម៉ោង ៤០នាទី។

Hubert Hurkacz នឹងបន្តឡើងទៅជុំទី២ ជួបជាមួយកីឡាករហូឡង់ Tallon Griekspoor ដែលបានយកឈ្នះកីឡាករអេស្ប៉ាញ Pedro Martínez។

សូមបញ្ជាក់ថា កម្មវិធី French Open បានដំណើរការរយៈពេល ១២៧ឆ្នាំ ហើយ បើគិតមកទល់ឆ្នាំ២០២៣ នេះ ដោយការប្រកួតនឹងធ្វើឡើងចាប់ពីថ្ងៃទី ២៨ ខែឧសភា ដល់ ១១ ខែមិថុនា ខណៈប្រាក់រង្វាន់សម្រាប់តំណែងជើងឯកនៃកម្មវិធីមានដល់ទៅជាង ២លាន ៤សែនដុល្លារឯណោះ។ កីឡាករអេស្ប៉ាញ Rafael Nadal គឺជាអ្នកការពារតំណែងជើងឯកនៃកម្មវិធីក្នុងឆ្នាំនេះ ប៉ុន្តែរូបគេបានដកខ្លួនចេញពីការប្រកួតដោយសាររបួសត្រកៀកឆ្វេង ហើយនេះគឺជាលើកទី១ ហើយ ដែលកំពូលអ្នកវាយកូនបាល់ទីលានដីឥដ្ឋរូបនេះ ដកខ្លួនចេញទាំងមិនបានប្រកួត ចាប់តាំងពីរូបគេបានចូលរួមការប្រកួតតាំងពីឆ្នាំ២០០៥មក៕

អត្ថបទទាក់ទង

អ្នកវាយកូនបាល់ Stefanos Tsitsipas និង Hubert Hurkacz ចាប់ដៃគ្នាឡើងជុំទី២ កម្មវិធី French Open 2023

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស