ខ្សែបម្រើ N’Golo Kante ត្រៀមចាកចេញពី Chelsea ទៅលេងនៅអារ៉ាប៊ីសាអ៊ូឌីត

បាល់ទាត់
June 8th, 2023 (2 years)
464 Views
Share

ខ្សែបម្រើ N’Golo Kante កំពុងខិតជិតក្នុងការចាកចេញពីក្លិប Chelsea ហើយ ដោយទៅចូលរួមជាមួយក្លិប Al Ittihad របស់ប្រទេសអារ៉ាប៊ីសាអ៊ូឌីត បន្ទាប់ពីទទួលបានសំណើផ្តល់ជូនប្រមាណ ១៧២ លានផោន។

កីឡាករវ័យ៣២ឆ្នាំ បានក្លាយជាផ្នែកដ៏សំខាន់បំផុតមួយរបស់ Chelsea អស់រយ:ពេល ៧ រដូវកាលកន្លងមកនេះ ដោយបានបង្ហាញខ្លួនសរុប ២៦៩ លើក បន្ទាប់ពីបានផ្ទេរមកពី Leicester City កាលពីឆ្នាំ ២០១៦ តម្លៃផ្ទេរប្រមាណ ៣២ លានផោន។

យ៉ាងណាមិញ កិច្ចសន្យារបស់ Kante នៅទឹកដី Stamford Bridge នឹងផុតកំណត់នៅរដូវក្តៅខាងមុខនេះហើយ ដោយសាមីកីឡាករកំពុងថ្លឹងថ្លែងជុំវិញអនាគតបន្ទាប់របស់ខ្លួន ក្រោយពីទទួលបានការចាប់អារម្មណ៍ពី Barcelona និង Arsenal ។

ប៉ុន្តែ ឥឡូវនេះ Al Ittihad នៅក្របខណ្ឌ Saudi Pro League កំពុងផ្តល់ជូនសំណើដ៏ធំមួយ ដែលហាក់ធ្វើឱ្យ Kante មិនអាចបដិសេធបាន ជាមួយនឹងការផ្តល់ជូនសំណើរយ:ពេល ២ ឆ្នាំ ដោយទទួលបាន ៨៦ លានផោនក្នុងមួយឆ្នាំ។

មិនតែប៉ុណ្ណោះ បើតាមកាសែត Daily Mail បានអះអាងទៀតថា Kante កំពុងខិតជិតឈានដល់ការយល់ព្រមលើលក្ខខណ្ឌផ្ទាល់ខ្លួន ជាមួយ Al Ittihad ហើយ ដោយរូបគេគ្រោងនឹងចូលរួមជាមួយ Cristiano Ronaldo និង Karim Benzema នាលីគកំពូលរបស់អារ៉ាប៊ីសាអ៊ូឌីត៕

អត្ថបទទាក់ទង

ខ្សែបម្រើ N’Golo Kante ត្រៀមចាកចេញពី Chelsea ទៅលេងនៅអារ៉ាប៊ីសាអ៊ូឌីត

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស