Chelsea បើកការពិភាក្សាជាមួយ Paris Saint-Germain ជុំវិញការផ្ទេរ Neymar

បាល់ទាត់
June 9th, 2023 (2 years)
600 Views
Share

មានការរាយការណ៍ថា Chelsea បានបើកការពិភាក្សាជាមួយ Paris Saint-Germain ជុំវិញការផ្ទេរ Neymar ខណៈ Man UTD, Arsenal និង Newcastle ក៏ចាប់អារម្មណ៍ចង់បានផងដែរ។

ខ្សែប្រយុទ្ធប្រេស៊ីល ត្រូវបានផ្សារភ្ជាប់ទៅនឹងការចាកចេញពី Paris Saint-Germain នៅមុនទីផ្សារដោះដូរកីឡាករនៅរដូវក្តៅនេះ។

ក្រោយ Lionel Messi និង Sergio Ramos បានប្រកាសចាកចេញរួចមក Neymar ត្រូវបានគេរំពឹងថា នឹងចាកចេញពីក្លិប Paris Saint-Germain ផងដែរ ខណៈរូបគេមិនសូវជោគជ័យ នៅលើទឹកដីប្រទេសបារាំង ដោយភាគច្រើនរងបួសមិនសូវបានលេង។

Newcastle ដែលកាន់កាប់ដោយមហាសេដ្ឋីអារ៉ាប៊ីសាអ៊ូឌីត ស្ថិតក្នុងចំណោមក្លិបដែល ចាប់អារម្មណ៍ក្នុងការផ្ទេរយក Neymar ខណៈរូបគេក៏ត្រូវបានគេផ្សាភ្ជាប់ជាមួយនឹងការផ្លាស់ប្តូរទៅកាន់ Arsenal ប៉ុន្តែ Man United ហាក់ដូចជាអ្នកនាំមុខគេដែលបានបើកការចរចាជាមួយ PSG។

ប៉ុន្តែ របាយការណ៍ថ្មីនៅក្នុងប្រទេសបារាំង ពេលនេះ Chelsea ក៏បានបើកការពិភាក្សាជាផ្លូវការជាមួយ PSG ជុំវិញការផ្ទេរ Neymar ផងដែរ។ PSG ត្រូវបានគេគិតថានឹងបើកលក់ Neymar ខណៈដែលពួកគេចង់ចុះហត្ថលេខាលើ Bernardo Silva ពី Manchester City វិញ។

ម្ចាស់ក្លិប Chelsea លោក Todd Boehly ចង់នាំយក Neymar មកកាន់កីឡដ្ឋាន Stamford Bridge ជាច្រើនខែមកហើយ និងថែមទាំងបានជួបជាមួយប្រធានក្លឹប PSG លោក Nasser al Khelaifi ដើម្បីពិភាក្សាអំពីការផ្លាស់ប្តូរនៅក្នុងខែកុម្ភៈផងដែរ។ Chelsea បានចំណាយប្រាក់ជាង ៦០០ លានផោន លើការនាំយកកីឡាករថ្មី ចាប់តាំងពីលោក Boehly មកជំនួសលោក Roman Abramovich កាលពីឆ្នាំ២០២២៕

អត្ថបទទាក់ទង

Chelsea បើកការពិភាក្សាជាមួយ Paris Saint-Germain ជុំវិញការផ្ទេរ Neymar

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស