Novak Djokovic ក្លាយជាកីឡាករវាយកូនបាល់មានពានរង្វាន់ Grand Slam ច្រើនជាងគេ ក្រោយឈ្នះកម្មវិធី French Open 2023

កីឡាចម្រុះ
June 12th, 2023 (1 year)
443 Views
Share

ការប្រកួតវាយកូនបាល់កម្រិត Grand Slam ទី២ ប្រចាំរដូវកាល កម្មវិធី French Open 2023 បានបញ្ចប់ជាស្ថាពរហើយ ក្រោយពីដំណើរការរយៈពេល២សប្តាហ៍កន្លងមក នាទីក្រុង Paris ប្រទេសបារាំង។

ជាក់ស្តែង គេក៏បានរកឃើញអ្នកឈ្នះជើងឯកនៃកម្មវិធីផងដែរគឺកីឡាករសែប Novak Djokovic បន្ទាប់ពីរូបគេបានយកឈ្នះកីឡាករន័រវេស Casper Ruud តាមរយៈលទ្ធផល 7-6 6-3 និង 7-5 នៅក្នុងការប្រកួតវគ្គផ្តាច់ព្រ័ត្រ កាលពីថ្ងៃអាទិត្យ។

វាគឺជាពានរង្វាន់ French Open ទី៣របស់ កីឡាករវ័យ៣៦ឆ្នាំ ហើយវាបានធ្វើឱ្យរូបគេក្លាយជាកីឡាករតែម្នាក់គត់ដែលអាចឈ្នះពានរង្វាន់ កម្រិត Grand Slam ទាំង៤ដែលរួមមានពានរង្វាន់ Australian Open, French Open, Wimbledon និង U.S. Open លើសពី៣ដង ក្នុងមួយកម្មវិធី។

ជ័យជម្នះនេះក៏ពានរង្វាន់កម្រិត Grand Slam ទី២៣របស់ Novak Djokovic ដែលធ្វើឱ្យរូបគេ កា្លយជាកីឡាករដែលឈ្នះពានរង្វាន់វាយកូនបាល់កំពូលផ្នែកបុរសច្រើនជាងគេលើពិភពលោក វ៉ាហួសកីឡាករអេស្ប៉ាញ Rafael Nadal ដែលបានឈ្នះចំនួន២២ដង។

Novak Djokovic ក៏នឹងដណ្តើមយកចំណាត់ថ្នាក់លេខ១ពិភពលោកត្រឡប់មកក្នុងដៃរបស់ខ្លួនវិញផងដែរ នៅពេលដែលតារាងចំណាត់ថ្នាក់ធ្វើការផ្លាស់ប្តូរនៅថ្ងៃចន្ទនេះ។

សូមបញ្ជាក់ថា កម្មវិធី French Open 2023 គឺជាការដំណើរការលើកទី១២៧ក្នុងប្រវត្តិសាស្ត្ររបស់ខ្លួន ហើយតំណែងជើងឯកនៃកម្មវិធី នឹងទទួលបានប្រាក់រង្វាន់ប្រមាណ ២លាន៤សែនដុល្លារឯណោះ៕

អត្ថបទទាក់ទង

Novak Djokovic ក្លាយជាកីឡាករវាយកូនបាល់មានពានរង្វាន់ Grand Slam ច្រើនជាងគេ ក្រោយឈ្នះកម្មវិធី French Open 2023

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស