ខ្សែប្រយុទ្ធ Luis Suarez នឹងចូលនិវត្តន៍ពីអាជីពព្រោះបញ្ហាជង្គង់

បាល់ទាត់
June 23rd, 2023 (1 year)
454 Views
Share

ខ្សែប្រយុទ្ធ Luis Suarez បានប្រាប់ក្លិបបច្ចុប្បន្នរបស់ខ្លួនគឺក្លិប Gremio ថា រូបគេនឹងចូលនិវត្តន៍ពីបាល់ទាត់ហើយ ។

កីឡាករអ៊ុយរូហ្គាយបានមានបញ្ហាឈឺជង្គង់ ដែលនេះធ្វើរូបគេពិបាកក្នុងការបន្តអាជីពបាល់ទាត់ បន្តទៀត។ ក្រោយពីចាកចេញពីក្លិបអេស្ប៉ាញ Atlético Madrid នៅឆ្នាំ២០២២ រួចមក Luis Suarez បានផ្លាស់ទៅលេងនៅក្លិបប្រេស៊ីល Gremio។

អ្នកតំណាងរបស់កីឡាករវ័យ៣៦ឆ្នាំ នឹងជួបក្លិបនាពេលឆាប់ៗ ដើម្បីពិភាក្សារអំពីគម្រោងបញ្ចប់អាជីពបាល់ទាត់របស់ Luis Suarez។ ជាមួយគ្នានេះ កិច្ចសន្យារបស់សាមីកីឡាករនឹងត្រូវផុតកំណត់នៅខែធ្នូ ឆ្នាំ២០២៤ ខណៈ Suarez ប្រហែលជាមិនអាចគោរពតាមកុងត្រាដែលបានកំណត់នោះទេ ដោយសារបញ្ហារបួសមិនអាចបន្តអាជីពបាន។

កន្លងមកមានការរាយការណ៍ថា ក្លិប Inter Miami បានចាប់អារម្មណ៍ចុះហត្ថលេខាលើ Luis Suarez ប្រសិនបើគេសម្រេចចិត្តចាកចេញពីក្លិប Gremio ប៉ុន្តែឥលូវនេះរូបគេបានសម្រេចបញ្ចប់អាជីពជាកីឡាករបាល់ទាត់ទៅហើយ។ នេះបានធ្វើឱកាសលេងរបស់ Luis Suarez ជាមួយអតីតមិត្តរួមក្រុម Barcelona, Lionel Messi នៅក្នុងក្លិប Inter Miami គឺបាត់បង់ទៅវិញ។

សូមបញ្ជាក់ថា Luis Suarez ស៊ុតបាន ១១ គ្រាប់ និងចែកបាល់សម្រេចទីចំនួន ៨ ដងក្នុងការបង្ហាញខ្លួន ២៥ លើកសម្រាប់ក្លិប Gremio ។ ចំណែកឯកំណត់ត្រាសរុបនៅក្នុងអាជីពបាល់ទាត់ Luis Suarez បង្ហាញខ្លួនបានចំនួន ៧៧២ប្រកួត ស៊ុតបញ្ចូលទីបាន ៤៧៤គ្រាប់ និងបានឈ្នះពានរង្វាន់ជាច្រើនដូចជា La Liga ៥ដង UEFA Champions League ម្ដង រួមជាមួយនឹងពានរង្វាន់ផ្សេងៗទៀត៕

អត្ថបទទាក់ទង

ខ្សែប្រយុទ្ធ Luis Suarez នឹងចូលនិវត្តន៍ពីអាជីពព្រោះបញ្ហាជង្គង់

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស