អតីតអ្នកចាត់ការទូទៅរបស់ Barcelona ចូលរួមជាមួយ Messi នៅក្លិប Inter Miami

បាល់ទាត់
June 29th, 2023 (3 months)
208 Views
Share

លោក Gerardo Martino ត្រូវបានបញ្ជាក់ជាអ្នកចាត់ការថ្មីរបស់ក្រុម Inter Miami នៅសហរដ្ឋអាមេរិក ដើម្បីជំនួសលោក Phil Neville ដែលត្រូវបានបញ្ឈប់ពីតំណែងកាលពីដើមខែមិថុនានេះ។

បុរសវ័យ ៦០ឆ្នាំដែលធ្លាប់ដឹកនាំក្រុមអាហ្សង់ទីនរូបនេះ នឹងបានធ្វើការជាមួយ Lionel Messi និង Sergio Busquets សាជាថ្មី ដោយធ្លាប់ធ្វើការជាមួយគ្នានៅក្រុម Barcelona កំឡុងពេលដែលលោក Martino ដឹកនាំនៅ Camp Nou កាលពីរដូវកាល ២០១៣-១៤។

សហម្ចាស់ក្លិប Inter Miami លោក David Beckham បាននិយាយថា Tata (Gerardo Martino) គឺជាមនុស្សដែលទទួលការគោរពក្នុងកីឡារបស់យើង ដែលមានសមិទ្ធផលជាច្រើន។

Messi និង Busquets មិនទាន់ត្រូវបានគេបង្ហាញជាផ្លូវការក្នុងនាមជាកីឡាករ Inter Miami ទេ។ គេរំពឹងថាការបង្ហាញជាផ្លូវការនឹងកើតឡើងនៅថ្ងៃទី១៦ ខែកក្កដា។

កីឡាកររបស់ Barcelona ម្នាក់ទៀតបានភ្ជាប់ជាមួយនឹងការផ្លាស់ប្តូរទៅកាន់ក្លិបនៅក្របខណ្ឌ MLS ពោលគឺ Jordi Alba ដែលមិនមានតម្លៃខ្លួនបន្ទាប់ពីចាកចេញពីក្លិបនៅតំបន់កាតាឡាន៕

អត្ថបទទាក់ទង