Pep Guardiola ថា៖ ខ្ញុំមិនអាចបញ្ឈប់ Lionel Messi, Neymar និង Kylian Mbappe បានទេ

បាល់ទាត់
September 28th, 2021 (3 years)
1802 Views
Share

លោក Pep Guardiola បានសារភាពថា គាត់មិនដឹងពីវិធីដើម្បីបញ្ឈប់ Lionel Messi, Kylian Mbappe និង Neymar ទេ ខណៈគាត់ត្រៀមខ្លួនសម្រាប់ការប្រកួត Champions League រវាង Manchester City ទល់នឹង Paris Saint-Germain ។

ក្រុមទាំងពីរជួបគ្នា នៅប្រទេសបារាំង នៅយប់នេះនេះ ហើយនៅមុនការប្រកួតលោក Guardiola បាននិយាយថា វាស្ទើរតែមិនអាចការពារខ្សែប្រយុទ្ធជួរមុខទាំងបីរបស់លោក Mauricio Pochettino បានឡើយ។

បន្ទាប់ពីត្រូវបានសួរអំពីវិធីនៃការបញ្ឈប់ Messi, Mbappe និង Neymar លោក Pep guardiola បានឆ្លើយតបថា៖ “ខ្ញុំមិនដឹងទេ”

“គុណភាពរបស់ពួកគេ ខ្ញុំមិនដឹងថាយើងគួរធ្វើអ្វីដើម្បីបញ្ឈប់ពួកគេទេ និយាយដោយស្មោះត្រង់។”

“ពួកគេល្អណាស់។ ទេពកោសល្យរបស់ពួកគេរួមបញ្ចូលគ្នា បានបង្កការលំបាកសម្រាប់ការគ្រប់គ្រងបំផុត។”

លោក Guardiola បានស្គាល់ពី Messi ច្បាស់បំផុត បន្ទាប់ពីពួកគេធ្លាប់ធ្វើការជាមួយគ្នា នៅក្លិប Barcelona ។

Messi មិនទាន់រកគ្រាប់បាល់ឱ្យ PSG បានទេ បន្ទាប់ពីការផ្ទេរនៅរដូវក្តៅនេះ ប៉ុន្តែអ្នកចាត់ការទូទៅរបស់ក្រុមមេឃខៀវរូបនេះ បានទទូចថា សូម្បីតែកីឡាករល្អបំផុតម្នាក់នៅលើពិភពលោក ក៏ត្រូវការពេលវេលាដើម្បីសម្របខ្លួនជាមួយក្រុមថ្មីនៅក្នុងលីគថ្មីដែរ៕

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

សូមជម្រាបជូនថា កម្មវិធី CBS Fanzone ចាក់ផ្សាយរៀងរាល់ថ្ងៃព្រហស្បតិ៍ ម៉ោង ២១:០០ – ២២:០០ នៅលើកញ្ចក់ទូរទស្សន៍ MyTV និងមានចាក់ផ្សាយឡើងវិញនៅលើកញ្ចក់ទូរទស្សន៍ CTN រៀងរាល់ថ្ងៃសៅរ៍ ម៉ោង ២១:០០ – ២២:០០។

អត្ថបទទាក់ទង

Pep Guardiola ថា៖ ខ្ញុំមិនអាចបញ្ឈប់ Lionel Messi, Neymar និង Kylian Mbappe បានទេ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស