លោក Jose Mourinho រងពិន័យ១០ថ្ងៃនៅក្របខណ្ឌ Serie A

បាល់ទាត់
June 29th, 2023 (2 years)
527 Views
Share

គ្រូបង្វឹក AS Roma លោក Jose Mourinho បានរងពិន័យ១០ថ្ងៃ រាប់តាំងពីសប្ដាហ៍ប្រកួតដំបូងនៅក្របខណ្ឌ Serie A នារដូវកាល ២០២៣-២៤ ដោយសារការលើកឡើងរបស់លោក ពាក់ព័ន្ធនឹងអាជ្ញាកណ្ដាល។

ជាការពិត លោក Mourinho ត្រូវបានដាក់ទណ្ឌកម្មដោយ តុលាការសហព័ន្ធជាតិនៃសហព័ន្ធបាល់ទាត់អ៊ីតាលី FIGC បន្ទាប់ពីលោកបាននិយាយថា លោក Daniele Chiffi ជាអាជ្ញាកណ្ដាលអន់បំផុត ដែលលោកធ្លាប់បានឃើញ ក្រោយការប្រកួតរបស់ Roma ទល់នឹង Monza កាលពីថ្ងៃទី៣ ខែឧសភា។

បុរសជនជាតិព័រទុយហ្គាល់រូបនេះ នឹងមិនត្រូវបានអនុញ្ញាតឱ្យបង្ហាញវត្តមាននៅតំបន់ខ្សែបន្ទាត់ ឬបន្ទប់ផ្លាស់សម្លៀកបំពាក់ នៅក្នុងថ្ងៃប្រកួតឡើយ ក្នុងរយៈពេល១០ថ្ងៃ ពេលរដូវកាលថ្មីចាប់ផ្ដើម។
លើសពីនេះទៅទៀត អតីតគ្រូបង្វឹករបស់ Chelsea និង Manchester United រូបនេះត្រូវបានពិន័យជាទឹកប្រាក់ ៥ម៉ឺនអឺរ៉ូផងដែរ។

វាគឺជាទណ្ឌកម្មលើកទីពីរដែលលោក Mourinho បានទទួលក្នុងរយៈពេលមួយសប្តាហ៍ បន្ទាប់ពី UEFA បានពិន័យលើរូបលោកនាការប្រកួត Europa League ចំនួន៤ ប្រកួត សម្រាប់ការប្រើប្រាស់ពាក្យប្រមាថទៅលើអាជ្ញាកណ្តាល លោក Anthony Taylor ក្នុងការប្រកួតចាញ់ក្រុម Sevilla ក្នុងការប្រកួតវគ្គផ្តាច់ព្រ័ត្រកាលពីពេលកន្លងទៅ៕

អត្ថបទទាក់ទង

លោក Jose Mourinho រងពិន័យ១០ថ្ងៃនៅក្របខណ្ឌ Serie A

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស