FIFA ដំឡើងប្រាក់រង្វាន់ក្នុងព្រឹត្តិការណ៍ FIFA World Cup នារី ឆ្នាំ២០២៣

បាល់ទាត់
June 30th, 2023 (2 years)
703 Views
Share

សហព័ន្ធបាល់ទាត់ពិភពលោក FIFA បានដំឡើងប្រាក់រង្វាន់ក្នុងព្រឹត្តិការណ៍ FIFA World Cup នារី ឆ្នាំ២០២៣ លើស៣ដងបើធៀបឆ្នាំ២០១៩។ FIFA នឹងផ្តល់ប្រាក់រង្វាន់ផ្ទាល់ផងដែរទៅកាន់កីឡាការិនី ដោយមិនចាំបាច់ឆ្លងកាត់តាមសហព័ន្ធឡើយ។

ជាការពិត កីឡាការិនីនៅក្នុងព្រឹត្តិការណ៍ FIFA Women’s World Cup នឹងត្រូវបានធានាថា នឹងទទួលបានប្រាក់រង្វាន់ក្នុងម្នាក់យ៉ាងហោចណាស់ ៣ម៉ឺនដុល្លារ នៅថ្ងៃបើកប្រាក់បៀវត្សរ៍របស់ FIFA។
សម្រាប់ការធ្វើបែបនេះ គឺ FIFA មានគោលបំណងចង់ផ្តល់ប្រាក់ដែលជាប្រាក់រង្វាន់ចែកចាយដល់បុគ្គលជាជាងតាមរយៈសហព័ន្ធនីមួយៗ។

ចំណែកសមាជិកនីមួយៗស្ថិតក្នុងក្រុមដែលគ្រងជើងឯក នឹងធ្វើដំណើរត្រឡប់ទៅផ្ទះវិញជាមួយប្រាក់រង្វាន់ក្នុងដៃប្រមាណ ២៧ម៉ឺនដុល្លារ ដែលជាចំណែកនៃប្រាក់រង្វាន់សរុបក្នុងព្រឹត្តិការណ៍ទាំងមូលចំនួន ១១០លានដុល្លារ។ តម្លៃប្រាក់រង្វាន់នេះមានការកើនឡើងប្រមាណជាង ៣០០ភាគរយ បើធៀបទៅនឹងតម្លៃប្រាក់រង្វាន់ឆ្នាំ២០១៩។

ទោះយ៉ាងណា តម្លៃសរុបនៃប្រាក់រង្វាន់ទាំងមូលនៅមានកម្រិតទាបជាងការប្រកួតព្រឹត្តិការណ៍បាល់ទាត់ World Cup ផ្នែកបុរស នៅប្រទេសកាតា ដែលមានតម្លៃប្រាក់រង្វាន់សរុបចំនួន ៤៤០លានដុល្លារ។

សូមបញ្ជាក់ថា ព្រឹត្តិការណ៍ប្រកួតបាល់ទាត់ពិភពលោកផ្នែកនារី FIFA World Cup ឆ្នាំ២០២៣ នឹងធ្វើឡើងចាប់ពីថ្ងៃទី២០ ខែកក្កដា ដល់ ថ្ងៃទី២០ ខែសីហា ខាងមុខ ដោយមានសហម្ចាស់ផ្ទះចំនួន២គឺអូស្ត្រាលី និង នូវែលហ្សេឡង់៕

អត្ថបទទាក់ទង

FIFA ដំឡើងប្រាក់រង្វាន់ក្នុងព្រឹត្តិការណ៍ FIFA World Cup នារី ឆ្នាំ២០២៣

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស