ប្រធានសមាគមបាល់ទាត់ថៃ លាលែងពីតំណែងក្រោយជម្លោះក្នុងវគ្គផ្ដាច់ព្រ័ត្រនៅស៊ីហ្គេម២០២៣

SEA GAMES 2023, បាល់ទាត់
July 3rd, 2023 (2 years)
702 Views
Share

លោក Somyot Poompunmuang ប្រធានសមាគមកីឡាបាល់ទាត់ថៃ (FAT) បានលាលែងពីតំណែង បន្ទាប់ពីឧបនាយករដ្ឋមន្ត្រី Prawit Wongsuwon បាននិយាយថា លោកគួរតែទទួលខុសត្រូវចំពោះជម្លោះដែលបង្កឱ្យមានការប៉ះទង្គិចក្នុងការប្រកួតកីឡាស៊ីហ្គេម២០២៣។

ឥណ្ឌូណេស៊ី បានយកឈ្នះថៃ ដោយលទ្ធផល ៥-២ នៅម៉ោងបន្ថែមក្នុងវគ្គផ្ដាច់ព្រ័ត្រ ខែឧសភា ដែលមានការប៉ះទង្គិចគ្នារវាងកីឡាករ និងគ្រូបង្វឹកទាំងសងខាងក្នុងឱកាសពីរលើក ដែលបង្កឱ្យអាជ្ញាកណ្ដាលចាយកាតក្រហម៤។ ក្រោយមក FAT បានសុំទោស និងដាក់បម្រាមរយៈពេលយូរដល់កីឡាករពីរនាក់ មន្ត្រីពីរនាក់ និងគ្រូបង្វឹកម្នាក់។

នៅក្នុងសេចក្តីថ្លែងការណ៍មួយនៅលើ Facebook លោក Somyot បានឃើញការអត្ថាធិប្បាយ ដោយឧត្តមសេនីយ៍ Prawit ក្នុងតួនាទីជាប្រធានគណៈកម្មាធិការជាតិអូឡាំពិកថៃ។ លោកបន្តថា គាត់នឹងជូនដំណឹងដល់សហព័ន្ធកីឡាបាល់ទាត់អាស៊ាន សហព័ន្ធកីឡាបាល់ទាត់អាស៊ី និងស្ថាប័នគ្រប់គ្រងអន្តរជាតិ FIFA អំពីការសម្រេចចិត្តរបស់គាត់។

លោកឧត្តមសេនីយ៍ Prawit បាននិយាយថា៖ “ខ្ញុំបាននិយាយមុនស៊ីហ្គេមថា ប្រសិនបើក្រុមមិនទទួលបានមេដាយមាសទេ ប្រធានបាល់ទាត់គួរតែចុះចេញពីតំណែង។”

លោក Somyot បាននិយាយកាលពីថ្ងៃសៅរ៍ថា៖ “ក្នុងនាមជាប្រធានសមាគមបាល់ទាត់នៃប្រទេសថៃ… ខ្ញុំបានត្រៀមខ្លួនរួចរាល់ហើយដើម្បីធ្វើតាមការបញ្ជារបស់ឧត្តមសេនីយ៍ Prawit ៕”

អត្ថបទទាក់ទង

ប្រធានសមាគមបាល់ទាត់ថៃ លាលែងពីតំណែងក្រោយជម្លោះក្នុងវគ្គផ្ដាច់ព្រ័ត្រនៅស៊ីហ្គេម២០២៣

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស