អភិបាលក្រុងប៉ារីស ជំទាស់លើការផ្ទេររបស់ Kylian Mbappe ទៅកាន់ក្លិប Al-Hilal

បាល់ទាត់
July 26th, 2023 (2 years)
401 Views
Share

លោកស្រី Anne Hidalgo អភិបាលក្រុងប៉ារីស បានបង្ហាញការមិនពេញចិត្តចំពោះការសម្រេចចិត្តរបស់ PSG ក្នុងការទទួលយកការដេញថ្លៃកំណត់ត្រាពិភពលោក ស្មើនឹង ២៥៩ លានផោនសម្រាប់ Kylian Mbappe ពីក្រុម Al-Hilal ។

ក្លិបរបស់អារ៉ាប៊ីសាអ៊ូឌីតនេះ បានឆ្លៀតឱកាសស្របពេលដែល PSG និងខ្សែប្រយុទ្ធឆ្នើមរបស់ពួកគេ កំពុងមានភាពជាប់គាំងលើការបន្តកុងត្រាថ្មី។ លោក Nasser Al-Khelaifi ប្រធានក្លិប PSG នៅតែប្រកាន់ជំហរថា កីឡាករវ័យ ២៤ ឆ្នាំរូបនឹងមិនអនុញ្ញាតឱ្យចាកចេញដោយគ្មានតម្លៃផ្ទេរនោះឡើយ។

លោកស្រីអភិបាលក្រុងប៉ារីស ដែលបានចូលកាន់តំណែងក្នុងឆ្នាំ២០១៤ បានបង្ហាញខ្លួននៅលើកញ្ចក់ទូរទស្សន៍ក្នុងស្រុកមួយ កាលពីព្រឹកថ្ងៃអង្គារ ហើយបានចោទជាសំណួរលើការសម្រេចចិត្តរបស់ក្លិប PSG ។

លោកស្រីមានប្រសាសន៍បែបនេះថា៖ “ពួកគេមានកីឡាករល្អបំផុតនៅលើពិភពលោក ប៉ុន្តែពួកគេមិនដាក់ឱ្យគេលេង។ ខ្ញុំមិនយល់ទាល់តែសោះ។ អ្នកត្រូវតែរក្សារូបគេនៅប៉ារីស។”

PSG ហាក់ដូចជាមានឆន្ទៈក្នុងការអនុញ្ញាតឱ្យ Mbappe អង្គុយនៅលើកៅអីបម្រុងពេញមួយរដូវកាល។ វាបានកើតឡើងរួចទៅហើយ បន្ទាប់ពីក្លិបបានដករូបគេចេញពីបញ្ជីឈ្មោះកីឡាករសម្រាប់ការធ្វើដំណើរទេសចរណ៍របស់ពួកគេទៅកាន់ប្រទេសជប៉ុន នាពេលថ្មីៗនេះ៕

អត្ថបទទាក់ទង

អភិបាលក្រុងប៉ារីស ជំទាស់លើការផ្ទេររបស់ Kylian Mbappe ទៅកាន់ក្លិប Al-Hilal

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស