×

Paris Saint Germain ទាមទារថ្លៃផ្ទេរនិងកីឡាករបន្ថែមពី Real Madrid បើចង់បាន Kylian Mbappe

ក្លិប Paris Saint Germain បានទាមទារឱ្យក្លិប Real Madrid ដែលចង់បានខ្សែប្រយុទ្ធ Kylian Mbappe ត្រូវតែបូកបន្ថែមកីឡាកររបស់ពួកគេម្នាក់ក្នុងចំណោម ២នាក់ ក្នុងកិច្ចព្រមព្រៀងនៃការផ្ទេរ។ កីឡាករបារាំងមានតម្លៃផ្ទេរជិត ២៥០លានអឺរ៉ូ តាមការការកំណត់តម្លៃរបស់ PSG។

ក្លិប Paris Saint Germain ពេលបច្ចុប្បន្នកំពុងស្ថិតក្រោមការដឹកនាំរបស់គ្រូបង្វឹកលោក Luis Enrique។ ទៅកាន់ទឹកដីបារាំង បុរសសញ្ជាតិអេស្ប៉ាញ កំពុងជួបបញ្ហាអំពីអនាគតរបស់ Kylian Mbappe។ យ៉ាងណា លោក Enrique យល់ព្រមអោយក្លិបបារាំងមួយនេះធ្វើកិច្ចការងារលើកកិច្ចព្រមព្រៀងក្នុងការលក់ Mbappe ជាមួយតម្លៃដ៏ខ្ពស់មួយ។ លោក Enrique ជឿជាក់ថានឹងនៅតែអាចដឹកនាំក្រុមប្រកួតប្រជែងនៅកម្រិតខ្ពស់ ដោយគ្មានវត្តមាន Mbappe។

បើតាមរបាយការណ៍ដែលចុះផ្សាយដោយកាសែត El Nacional ក្លិប PSG ទាមទារឱ្យបូកបញ្ចូលកីឡាករម្នាក់ក្នុងចំណោម ២នាក់ ដែលក្នុងនោះមាន Rodrigo ឬ Eduardo Camavinga ប្រសិនបើ Real Madrid ចង់នាំយកខ្សែប្រយុទ្ធវ័យ ២៤ឆ្នាំទៅចូលរួមក្នុងរដូវកាលនេះ។ ទោះជាយ៉ាងណា តាមរយៈរបាយការណ៍ដដែលនោះឱ្យដឹងថា គ្រូបង្វឹក Real Madrid លោក Carlos Ancelotti មិនចាប់អារម្មណ៍លើកិច្ចព្រមព្រៀងនោះឡើយ ហើយក៏បានជំរុញឱ្យក្លិបកុំបញ្ចេញកីឡាករវ័យក្មេងទាំង ២នាក់ផងដែរ។

តាមរយៈព័ត៌មាននាពេលកន្លងមក Real Madrid ចង់បាន Mbappe នៅរដូវកាល ២០២៤-២៥ ក្រោយពេលដែលកីឡាករម្ចាស់ពាន World Cup 2018 រូបនេះបានផុតកិច្ចសន្យាជាមួយនឹង PSG បន្ទាប់ពីបញ្ចប់រដូវកាល ២០២៣-២៤។ Mbappe កាលពីប៉ុន្មានខែមុនបានផ្ញើលិខិតទៅក្លិប PSG អះអាងថាគេនឹងមិនបន្តកិច្ចសន្យាអ្វីទៀតឡើយជាមួយ PSG៕

អ្នកអាចចែករំលែកដោយ៖

អត្ថបទទាក់ទង