ខ្សែប្រយុទ្ធ Cristiano Ronaldo ក្លាយជាបុគ្គលមានឥទ្ធិពលបំផុតលើបណ្តាញសង្គម Instagram

បាល់ទាត់
August 14th, 2023 (1 year)
656 Views
Share

ខ្សែប្រយុទ្ធ Cristiano Ronaldo បានជាប់ឈ្មោះជាបុគ្គលមានឥទ្ធិពលបំផុតលើបណ្តាញសង្គម Instagram ដោយរកប្រាក់ចំណូលច្រើនជាងគេបំផុតក្នុងឆ្នាំ ២០២៣ និង៣ឆ្នាំជាប់គ្នា។ រូបគេអាចរកបានជាង៣លានដុល្លារ ពីការបង្ហោះនៅលើបណ្តាញសង្គម Instagram មួយលើក។

ម្ចាស់ពានរង្វាន់ Ballon D’Or ៥សម័យកាល កាលពីខែមិថុនា បានជាប់ឈ្មោះជាកីឡាករដែលមានតម្លៃពលកម្មថ្លៃបំផុតនៅលើពិភពលោក តាមរយៈការកត់ត្រារបស់គេហទំព័រ Forbes លើកដំបូងចាប់តាំងពីឆ្នាំ ២០១៧ ក្រោយផ្លាស់ទៅក្លិប Al-Nassr នៅអារ៉ាប៊ីសាអូឌីត។ ឆ្នាំ ២០២៣ ដដែល Ronaldo បានក្លាយជាបុគ្គលកំពូលដែលមានបំផុតនៅលើបញ្ជីរបស់បណ្តាញសង្គម Instagram។

បញ្ជីដែលចងក្រងដោយឧបករណ៍កំណត់ពេលវេលា Instagram Hopper HQ គឺផ្អែកលើទិន្នន័យខាងក្នុង និងសាធារណៈដែលបង្ហាញថាតើអ្នកប្រើប្រាស់ម្នាក់ៗអាចរកបានចំណូលប៉ុន្មានសម្រាប់ការបង្ហោះនៅលើ Instagram ដូចទៅនឹងបណ្តាញ Youtube។

កីឡាករព័រទុយហ្គាល់រកបានប្រាក់ប្រមាណ ៣,២៣លានដុល្លារ ពីការបង្ហោះមួយលើកនៅលើ Instagram។ នេះបើតាមការកត់ត្រារបស់ Hopper HQ ខណៈ Ronaldo កំពុងខិតជិតមានអ្នកតាមដាន ឬ Follower ជិត ៦០០លាននាក់។

ដោយឡែកគូប្រជែងរបស់ Ronaldo គឺកីឡាករសញ្ជតិអាហ្សង់ទីន Lionel Messi ម្ចាស់ពានរង្វាន់ World Cup 2022 រកបានប្រាក់ចំណូលប្រមាណ ២,៦លានដុល្លារ ពីការបង្ហោះមួយលើក។ Messi មានចំនួនអ្នកចុចតាមដានប្រហាក់ប្រហែលទៅនឹង Ronaldo ដែរ។

Ronaldo និង Messi មិនត្រឹមតែធ្លាប់ប្រជែងគ្នានៅលើទីលាននោះទេ ពួកគេក៏នៅតែបន្តប្រជែងគ្នានៅការឥទ្ធិពលលើបណ្តាញសង្គមផងដែរ។ កីឡាករទាំងពីរឈរនៅចំណាត់ថ្នាក់កំពូល ដោយតាមពីក្រោយតារាល្បីៗ ដូចជាតារាចម្រៀង Selena Gomez តារាបង្ហាញម៉ូត Kylie Jenner ជាដើម។

កីឡាករ២នាក់ផ្សេងទៀតដែលបានជាប់ក្នុងចំណាត់ថ្នាក់ទាំង២០ នៃបុគ្គលមានឥទ្ធិពលនៃការរកប្រាក់ចំណូលច្រើន គឺកីឡាករកីឡាគ្រីខឃីតឥណ្ឌា Virat Kohli និងខ្សែប្រយុទ្ធប្រេស៊ីល Neymar ។

ជាប់ឈ្មោះជាបុគ្គលដែលរកបានប្រាក់ចំណូលច្រើនជាងគេនៅលើ Instagram ខ្សែប្រយុទ្ធ Ronaldo រកបានប្រាក់ចំណូលពីការបង្ហោះ ១លើក ច្រើនជាង ១០ដង បើធៀបទៅនឹង Khaby Lame តារា TikTok ដែលមានអ្នកតាមដានច្រើនជាងគេ នឹងរកបានចំណូលច្រើនជាងគេ៕

អត្ថបទទាក់ទង

ខ្សែប្រយុទ្ធ Cristiano Ronaldo ក្លាយជាបុគ្គលមានឥទ្ធិពលបំផុតលើបណ្តាញសង្គម Instagram

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស