Messi ថាឈ្នះពាន League Cup នឹងក្លាយជាកំណត់ត្រាដ៏អស្ចារ្យសម្រាប់ Inter Miami

បាល់ទាត់
August 18th, 2023 (1 year)
1143 Views
Share

ខ្សែប្រយុទ្ធ Lionel Messi បាននិយាយថា ការនាំក្រុម Inter Miami ឈ្នះពានរង្វាន់លើកដំបូងសម្រាប់ពួកគេនឹងក្លាយជាកំណត់ត្រាដ៏អស្ចារ្យសម្រាប់ក្រុមអាមេរិកមួយនេះ។

Inter Miami ជាក្រុមស្ថិតនៅបាតតារាងនៃក្របខណ្ឌ Major League Soccer Eastern Conference តែចាប់តាំងពី Messi បានមកចូលរួម ក្រុមដែលមានម្ចាស់ជាអតីតកីឡាករដ៏ល្បី David Beckham ក៏ចាប់ផ្តើមបង្កើតរឿងរ៉ាវអស្ចារ្យជាបណ្តើរៗ។

ថ្មីៗនេះ Inter Miami បានឡើងទៅកាន់វគ្គផ្តាច់ព្រ័ត្រ League Cup លើកដំបូងក្រោយពួកគេបានប្រកួតឈ្នះក្រុម Philadephia Union លទ្ធផល ៤-១។ ការប្រកួតនោះ Messi រកបានគ្រាប់បាល់ទី៩ របស់ខ្លួនសម្រាប់ Inter Miami។

ធ្វើដំណើរជាមួយនឹង Inter Miami បាន ៦ប្រកួតកន្លងមក Messi តែងចូលរួមចំណែកដ៏ធំនៅក្នុងក្រុម ដោយគេរកបានគ្រាប់បាល់ចំនួន ៩គ្រាប់ រហូតជួយក្រុមឡើងទៅដល់វគ្គផ្តាច់ព្រ័ត្រ ដែលការប្រកួតនឹងធ្វើឡើងនៅថ្ងៃទី២០ ខែសីហា ដោយត្រូវជួបតទល់ក្រម Nashville SC។

ក្នុងនោះដែរ Messi បានប្រាប់អ្នកកាសែតថាការឈ្នះពាននៅ Miami នឹងក្លាយជារឿងដ៏អស្ចារ្យសម្រាប់រូបគេ និងអ្នកគាំទ្រក្លិប។

Messi បាននិយាយបែបនេះថា៖ “មែនហើយ វាពិតជាមិនគួរឱ្យជឿមែនទេ? ទាំងសម្រាប់ខ្ញុំ និងគ្រប់គ្នាដែលបានគាំទ្រដល់ក្លិប។ សម្រាប់អ្នកគ្រប់គ្នាដែលបាននាំក្លិបទទួលបានឱកាសដ៏ធំមួយនេះ ព្រមទាំងបានជួយឱ្យក្លិបរីកចំរើន និងបាននាំក្រុមដល់ចំណុចកំពូលនៃពិភពលោក ការឈ្នះពានរង្វាន់ជារឿងសំខាន់បំផុត។ វាពិតជាគួរឱ្យចាប់អារម្មណ៍ខ្លាំងណាស់។”

ក្លិប Inter Miami បានតែងតាំងគ្រូបង្វឹកលោក Gerardo Martino ឬ Tata កាលពីខែមុន បន្ទាប់មកក្រុមក៏បានចុះកិច្ចសន្យានាំយក Messi និងអតីតមិត្តរួមក្រុមរបស់ពួកគេ Jordi Alba និង Sergio Busquets បានជួយធានាកៅអីសម្រាប់ពានរង្វាន់ CONCACAF Champions League ជាមួយនឹងការប្រកួត League Cup វគ្គផ្តាច់ព្រ័ត្រ។ ក្រុមបញ្ចប់ចំណាត់ថ្នាក់កំពូលទាំង ៣ នៅ League Cup ឈ្នះកៅអីប្រកួតពានរង្វាន់ក្លិបកំពូលប្រចាំតំបន់អាមេរិកខាងជើង CONCACAF Champions League៕

អត្ថបទទាក់ទង

Messi ថាឈ្នះពាន League Cup នឹងក្លាយជាកំណត់ត្រាដ៏អស្ចារ្យសម្រាប់ Inter Miami

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស