នាយករដ្ឋមន្ត្រីអេស្ប៉ាញ ចង់ឱ្យប្រមុខដឹកនាំវិស័យបាល់ទាត់ចុះចេញពីតំណែង

បាល់ទាត់
August 25th, 2023 (1 year)
984 Views
Share

នាយកប្រតិបត្តិសហព័ន្ធកីឡាបាល់ទាត់អេស្ប៉ាញ លោក Luis Rubiales បានចេញមុខសុំទោសជាសាធារណៈចំពោះការថើបកីឡាការិនី Jenni Hermoso អំឡុងពេលអបអរសាទរជ័យជម្នះជើងឯក FIFA World Cup ឆ្នាំ២០២៣។ យ៉ាងណា លោក Pedro Sanchez នាយករដ្ឋមន្ត្រីអេស្ប៉ាញ ថាការសុំទោសនេះមិនទាន់គ្រប់គ្រាន់ទេ។

រឿងរ៉ាវកើតឡើង ក្រោយពេលលោក Luis Rubiales បានចូលរួមផ្តល់មេដាយដល់កីឡាការិនីជ័យលាភីជើងឯកអេស្ប៉ាញ និងឆ្លៀតថើបកីឡាការិនី Hermoso ក្រោយឈ្នះអង់គ្លេសលទ្ធផល ១-០ នៅវគ្គផ្តាច់ព្រ័ត្រ World Cup ។

ការថើបកីឡាការិនីពីសំណាក់លោក Rubiales បានបង្កឱ្យមានការខឹងសម្បារក្នុង និងក្រៅប្រទេសអេស្ប៉ាញ ដោយមានមនុស្សជាច្រើន រួមទាំងរដ្ឋមន្ត្រីផងដែរ ទាមទារឱ្យលោក Rubiales ចុះចេញពីតំណែង។
ទាក់ទងនឹងមុខតំណែងនៅក្នុងសហព័ន្ធបាល់ទាត់អេស្ប៉ាញវិញ លោកនាយករដ្ឋមន្ត្រីអេស្ប៉ាញ Pedro Sanchez ក៏បានលើកឡើងដែរថា រដ្ឋាភិបាលអេស្ប៉ាញគ្មានសិទ្ធិលូកដៃនៅក្នុងផ្នែកនៃសហព័ន្ធ ដើម្បីដកនរណាម្នាក់ចេញពីតំណែងឡើយ។

តាមរយៈវីដេអូមួយដែលបានបង្ហោះនៅលើបណ្តាញសង្គម Instagram និង YouTube កីឡាការិនី Hermoso បាននិយាយជាមួយមិត្តរួមក្រុមបែបលេងសើចនៅក្នុងបន្ទប់ផ្លាស់សម្លៀកបំពាក់ថា នាងមិនចូលចិត្តនូវទង្វើនេះទេ៕

អត្ថបទទាក់ទង

នាយករដ្ឋមន្ត្រីអេស្ប៉ាញ ចង់ឱ្យប្រមុខដឹកនាំវិស័យបាល់ទាត់ចុះចេញពីតំណែង

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស