អ្នកគាំទ្រ Bayern Munich បង្កើនការពេញចិត្តខ្សែប្រយុទ្ធ Harry Kane ក្រោយរកបានគ្រាប់បាល់ជាបន្តបន្ទាប់

បាល់ទាត់
August 29th, 2023 (1 year)
1368 Views
Share

ខ្សែប្រយុទ្ធ Harry Kane កំពុងធ្វើឱ្យអ្នកគាំទ្រ Bayern Munich ពេញចិត្តពេញថ្លើមយ៉ាងខ្លាំង បន្ទាប់ពីប្រធានក្រុមជម្រើសជាតិអង់គ្លេសរូបនេះ រកគ្រាប់បាល់បញ្ចូលទី២គ្រាប់ម្នាក់ឯង និងជាការរកគ្រាប់បាល់លើកដំបូងបំផុតនៅទឹកដី Allianz Arena កាលពីជំនួបសប្តាហ៍ទី២ ក្របខណ្ឌលីគកំពូល Bundesliga ដែលពួកគេបានយកឈ្នះក្រុមភ្ញៀវ Augsburg ដោយលទ្ធផល ៣-១។

កីឡាករវ័យ៣០ឆ្នាំ បានក្លាយជាកីឡាករដើមកំណើតអង់គ្លេសដំបូងគេបង្អស់ ដែលរកគ្រាប់បាល់បញ្ចូលទី នៅក្នុងការប្រកួតក្របខណ្ឌ Bundesliga ២ប្រកួតដំបូង ខណៈដែលជំនួបបើករដូវកាលថ្មី ដែល Bayern Munich ឈ្នះម្ចាស់ផ្ទះ Werder Bremen ដោយលទ្ធផល ៤-០ កាលពីថ្ងៃទី១៩ ខែសីហា កន្លងទៅ អតីតកីឡាករ Tottenham Hotspur រូបនេះ ក៏បានរួមចំណែក១គ្រាប់ផងដែរ។

បច្ចុប្បន្ន Bayern Munich កំពុងឈរនៅចំណាត់ថ្នាក់លេខ២ មាន៦ពិន្ទុ ចាញ់គ្រាប់បាល់ចំណេញក្រុមកំពូលតារាង Union Berlin និងឈរពីលើក្រុម Bayer Leverkusen, Wolfsburg, Freiburg ដែលសុទ្ធតែមាន៦ពិន្ទុដូចគ្នា។

តាមរយៈទម្រង់លេងបែបនេះ Harry Kane កំពុងចាប់ផ្តើមត្រូវបានអ្នកគាំទ្រចាត់ទុកជាគ្រាប់ពេជ្រ ឬម៉ាស៊ីនរកគ្រាប់បាល់ថ្មីរបស់ក្រុម Bayern Munich ជំនួសតំណែង ខ្សែប្រយុទ្ធប៉ូឡូញ Robert Lewandowski ដែលបានផ្លាស់ទៅចូលរួមជាមួយក្លិប Barcelona កាលពីរដូវកាលមុន។

សូមបញ្ជាក់ថា Harry Kane បានផ្លាស់ពី Tottenham Hotspur មកចូលរួមជាមួយ Bayern Munich កាលពីថ្ងៃទី១០ ខែសីហា ឆ្នាំ២០២៣ កន្លងទៅ ដោយបានចុះកុងត្រារយៈពេល៤ឆ្នាំ ជាមួយនឹងការផ្ទេរនៅក្នុងតម្លៃ ១១០លានដុល្លារ ដែលបានធ្វើឱ្យរូបគេក្លាយជាកីឡាករមានតម្លៃខ្លួនថ្លៃបំផុតក្នុងប្រវត្តិសាស្ត្រ នៃក្របខណ្ឌលីគកំពូលអាល្លឺម៉ង់ Bundesliga៕

អត្ថបទទាក់ទង

អ្នកគាំទ្រ Bayern Munich បង្កើនការពេញចិត្តខ្សែប្រយុទ្ធ Harry Kane ក្រោយរកបានគ្រាប់បាល់ជាបន្តបន្ទាប់

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស