ថ្នាក់ដឹកនាំសហព័ន្ធបាល់ទាត់អេស្ប៉ាញ បានអំពាវនាវឱ្យប្រធានសហព័ន្ធចុះចេញពីតំណែង

FIFA World Cup, បាល់ទាត់
August 30th, 2023 (2 years)
694 Views
Share

ថ្នាក់ដឹកនាំរបស់សហព័ន្ធបាល់ទាត់អេស្ប៉ាញ បានអំពាវនាវឱ្យលោក Luis Rubiales ប្រធានសហព័ន្ធកីឡាបាល់ទាត់អេស្ប៉ាញ RFEF ចុះចេញពីតំណែង ក្រោយមានរឿងអាស្រូវថើបកីឡាការិនី អំឡុងពេលកម្មវិធីចែកមេដាយនៅព្រឹត្តិការណ៍ Women’s World Cup 2023។

តំណែងរបស់លោក Rubiales កំពុងមានកម្តៅខ្លាំង ក្រោយមានបញ្ហា បន្ទាប់ពីលោកបានថើបមាត់កីឡាការិនី Jenni Hermoso អំឡុងកម្មវិធីប្រគល់មេដាយមាសដល់ក្រុមនារីអេស្ប៉ាញដែលឈ្នះជើងឯកបាល់ទាត់ពិភពលោកនារីឆ្នាំ២០២៣។ រូបលោកបានរងការរិះគន់ខ្លាំង រហូតធ្វើឱ្យអ្នកគាំទ្រ ព្រមទាំងមន្ត្រីជាន់ខ្ពស់ជាច្រើន ក្នុងប្រទេសអេស្ប៉ាញអំពាវនាវឱ្យចុះចេញពីតំណែង។

ដោយឡែក មានសេចក្តីរាយការណ៍ថា RFEF បានចាត់វិធានការក្នុងកិច្ចប្រជុំវិសាមញ្ញរបស់ខ្លួន ស្នើសុំឱ្យ UEFA ព្យួរការប្រកួតរបស់ក្រុមខ្លួនមួយរយៈពីការប្រកួតអន្តរជាតិនានា ដើម្បីសង្គ្រោះការងាររបស់លោក Rubiales។ ក្រោយមក សមាជិកនៃរដ្ឋាភិបាលអេស្ប៉ាញជាច្រើនបានបន្ថែមសំឡេងរបស់ពួកគេក្នុងការទាមទារឱ្យលោក Rubiales ចាកចេញពីតំណែង។

យ៉ាងណា មកដល់ពេលនេះ មានសេចក្តីថ្លែងការណ៍រួមមួយពីសំណាក់ថ្នាក់ដឹកនាំសំខាន់ៗក្នុងសហព័ន្ធបាល់ទាត់ប្រទេសអេស្ប៉ាញ ជាក្រុមចុងក្រោយគេបង្អស់ដែលបានដាក់ការអំពាវនាវឱ្យលោក Rubiales ចុះចេញតំណែងប្រធាន RFEF តែម្តង។

សហព័ន្ធបាល់ទាត់អន្តរជាតិ FIFA កាលពីថ្ងៃទី២៦ ខែសីហា ក៏បានសម្រេចចិត្តព្យួរការងាររបស់លោក Rubiales ពីការសកម្មភាពបាល់ទាត់រយៈពេល ៣ខែ ដើម្បីបើកការស៊ើបអង្កេតលើរឿងអាស្រូវការថើបកីឡាការិនីផងដែរ៕

អត្ថបទទាក់ទង

ថ្នាក់ដឹកនាំសហព័ន្ធបាល់ទាត់អេស្ប៉ាញ បានអំពាវនាវឱ្យប្រធានសហព័ន្ធចុះចេញពីតំណែង

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស