U23កម្ពុជារបស់លោកGyotoku Koji ប្រកួតស្មើលីបង់នៅថ្ងៃបើកឆាកវគ្គជម្រុះAFC U23

បាល់ទាត់
September 7th, 2023 (2 years)
1214 Views
Share

ក្រុមជម្រើសជាតិកម្ពុជាអាយុក្រោម២៣ឆ្នាំ បានបង្ហាញទម្រង់លេងដ៏ល្អមួយ ដែលអាចស្មើជាមួយក្រុមជម្រើសជាតិលីបង់អាយុក្រោម២៣ឆ្នាំ ដោយលទ្ធផល ២-២ ក្នុងការប្រកួតដំបូងនៅពូល J វគ្គជម្រុះ AFC U23 Asian Cup, Qatar 2024 ។

កូនក្រុមរបស់លោក Gyotoku Koji ត្រូវបាននាំមុខនៅនាទីទី៧ ពីកីឡាករ Mohammad Nasser របស់លីបង់ ប៉ុន្តែកម្ពុជាបានតាមស្មើដោយបាល់ Own Goal ពីខ្សែការពារ Ibrahim Chami នៅចុងវគ្គទីមួយ។

នៅដើមវគ្គទីពីរ កម្ពុជាបានបង្ហាញទម្រង់លេងគួរឱ្យចាប់អារម្មណ៍ដោយអាចស្វែងរកគ្រាប់បាល់ទីពីរបាន ពីកីឡាករ សរ រតនា នៅនាទី៦៥។ ទោះជាយ៉ាងណា ក្រុមគោព្រៃជំទង់របូតគ្រាប់បាល់នៅនាទីទី៧៤ ដែលធ្វើបានដោយកីឡាករ Karim Mekkeoui របស់លីបង់។

វាមិនមែនជាលទ្ធផលអាក្រក់ពេកទេសម្រាប់កម្ពុជា ក្នុងការដណ្ដើមបាន១ពិន្ទុពីក្រុមមួយដែលអាចចាត់ទុកថាមានកម្រិតខ្ពស់ជាងខ្លួន។

ក្នុងការប្រកួតមួយផ្សេងទៀតក្នុងពូល J អារ៉ាប៊ីសាអ៊ូឌីត បានយកឈ្នះម៉ុងហ្គោលីដោយលទ្ធផល ៣-១ ។

បន្ទាប់ពីជួបជាមួយលីបង់ កម្ពុជានឹងបន្តប្រកួតជាមួយ ម៉ុងហ្គោលី នៅថ្ងៃទី៩ ខែកញ្ញា និងប៉ះក្រុមម្ចាស់ផ្ទះអារ៉ាប៊ីសាអ៊ូឌីត នៅថ្ងៃទី១២ ខែកញ្ញា ឆ្នាំ២០២៣ សម្រាប់ការប្រកួតបិទបញ្ចប់ពូល J ។

ក្រុមដែលឈរនៅលេខ១ និងក្រុមលេខ២ល្អដាច់គេ ៤ក្រុម ក្នុងចំណោមពូលទាំង១១ នឹងឈានទៅលេងពានរង្វាន់ AFC U23 Asian Cup, Qatar 2024៕

អត្ថបទទាក់ទង

U23កម្ពុជារបស់លោកGyotoku Koji ប្រកួតស្មើលីបង់នៅថ្ងៃបើកឆាកវគ្គជម្រុះAFC U23

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស