ព្យាករណ៍៖ចរជាប៉ះអេស្ប៉ាញ វគ្គជម្រុះEURO2024ផ្សាយបន្តផ្ទាល់នៅទូរទស្សន៍CTN និងហ្វេសប៊ុកCBS Sportsរាត្រីនេះ

EURO
September 8th, 2023 (1 year)
762 Views
Share

ក្រុមជម្រើសជាតិអេស្ប៉ាញ នឹងធ្វើដំណើរទៅកាន់ទីក្រុង Tbilisi ដើម្បីប្រកួតទល់នឹងក្រុមជម្រើសជាតិចរជា នៅកីឡដ្ឋាន Dinomo Arena សម្រាប់វគ្គជម្រុះ EURO 2024 ពូល A ដែលមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN និងហ្វេសប៊ុកផេក CBS Sports ចាប់ពីម៉ោង ១០:៥០ នាទីយប់នេះតទៅ។

អេស្ប៉ាញបានឈ្នះពានរង្វាន់ Nations League បន្ទាប់ពីយកឈ្នះក្រុមក្រូអាត នៅវគ្គផ្តាច់ព្រ័ត្រ តាមរយៈការស៊ុតបាល់ប៉េណាល់ទី។ ឥឡូវនេះ ពួកគេនឹងព្យាយាមស្វែងរកការឈានទៅជុំផ្ដាច់ព្រ័ត្រ សម្រាប់ពានរង្វាន់ EURO 2024 នៅប្រទេសអាល្លឺម៉ង់។

អេស្ប៉ាញកំពុងឈរនៅលេខ៤ ក្នុងពូល A ដោយមាន ៣ពិន្ទុក្នុង២ប្រកួតកន្លងទៅ ខណៈចរជា នៅលេខ២ មាន៤ពិន្ទុ តែលេងលើសអេស្ប៉ាញ១ប្រកួត។

ខ្សែបម្រើស្លាប Khvicha Kvaratskhelia ដែលជាបេក្ខភាពអាចឈ្នះពានរង្វាន់ Ballon d’Or ឆ្នាំ២០២៣ ខ្សែប្រយុទ្ធ Georges Mikautadze របស់ Ajax និងខ្សែបម្រើ Giorgi Chakvetadze របស់ Watford សុទ្ធតែកីឡាករសំខាន់ដែលអេស្ប៉ាញត្រូវប្រុងប្រយ័ត្ន។

ដោយឡែក អេស្ប៉ាញបានបាត់បង់ Jordi Alba ដែលទើបប្រកាសចូលនិវត្តន៍ពីក្រុមជម្រើសជាតិ។ ខ្សែបម្រើ Gavi របស់ក្លិប Barcelona អាចនឹងត្រូវបានដាក់ឱ្យលេងទោះមានរបួសត្រចៀក។

សង្កតឃើញថា ប្រវត្តិជួបគ្នា ៥ អេស្ប៉ាញបានឈ្នះចរជា ៤ដង និងចាញ់១ដង ក្នុងនោះសរុបគ្រាប់បាល់ អេស្ប៉ាញស៊ុតចូល ៩គ្រាប់ ឯចរជាស៊ុតចូល ២គ្រាប់។

នេះអាចជាជម្រើស១១នាក់ដំបូងរបស់ ចរជា ដែលអាចប្រើប្រាស់ទម្រង់ ៣-៥-២ ៖

Mamardashvili; Sazonov, Kashia, Kverkveliya; Gagnidze, Chakvetadze, Dvali, Kiteishvili, Lobzhanidze; Mikautadze, Kvaratskhelia

នេះអាចជាជម្រើស១១នាក់ដំបូងរបស់ អេស្ប៉ាញ ដែលអាចប្រើប្រាស់ទម្រង់ ៤-២-៣-១ ៖

Simon; Carvajal, Le Normand, Laporte, Balde; Rodri, Merino; Asensio, Olmo, Gavi; Morata

CBS Sports ទស្សន៍ទាញថាលទ្ធផលរវាងក្រុមទាំងពីរគឺ៖ ចរជា ០-៣ អេស្ប៉ាញ៕

អត្ថបទទាក់ទង

ព្យាករណ៍៖ចរជាប៉ះអេស្ប៉ាញ វគ្គជម្រុះEURO2024ផ្សាយបន្តផ្ទាល់នៅទូរទស្សន៍CTN និងហ្វេសប៊ុកCBS Sportsរាត្រីនេះ

ព្រឹត្តិការណ៍ប្រចាំទ្វីបអឺរ៉ុប UEFA Euro 2024