ព្យាករណ៍៖ស្លូវ៉ាគីបើកទ្វារស្វាគមន៍ព័រទុយហ្គាល់ វគ្គជម្រុះEURO2024ផ្សាយបន្តផ្ទាល់នៅទូរទស្សន៍CTN និងហ្វេសប៊ុកCBS Sportsយប់នេះ

EURO
September 8th, 2023 (1 year)
1451 Views
Share

ក្រុមជម្រើសជាតិស្លូវ៉ាគី នឹងបើកទ្វារកីឡដ្ឋានស្វាគមន៍ ក្រុមជម្រើសជាតិព័រទុយហ្គាល់ នៅរដ្ឋធានី Bratislava ក្នុងការប្រកួតវគ្គជម្រុះ EURO 2024 ពូល J ដែលមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN និងហ្វេសប៊ុកផេក CBS Sports ចាប់ពីម៉ោង ១:៣៥ នាទីរំលងអធ្រាត្រ យប់នេះតទៅ។

ព័រទុយហ្គាល់របស់គ្រូបង្វឹក Roberto Martinez បានឈ្នះការប្រកួតទាំង៤ របស់ពួកគេ ខណៈស្លូវ៉ាគី ក៏ជាក្រុមខ្លាំងមួយក្នុងពូល J ដែលមិនទាន់ស្គាល់ពាក្យថាចាញ់ ក្នុង៤ប្រកួត និងកំពុងឈរនៅលេខ២ តាមពីក្រោយគូប្រកួតរបស់ពួកគេយប់នេះ តែ២ពិន្ទុប៉ុណ្ណោះ។

ខ្សែការពារ Milan Skriniar របស់ Paris Saint-Germain និងអ្នកចាំទី Martin Dubravka របស់ Newcastle United អាចនឹងបង្ហាញខ្លួនជាជម្រើសដំបូងរបស់ស្លូវ៉ាគី ក្នុងការប្រកួតនេះ។

Ronaldo បានស៊ុតបញ្ចូលទីគ្រាប់ទី ១២៣ ឱ្យជម្រើសជាតិរបស់គាត់ក្នុងការបង្ហាញខ្លួនលើកទី២០០ ទល់នឹងអ៊ីស្លង់។ គាត់រកបាន ៦ គ្រាប់ពីការប្រកួតចំនួន ៤ ជាមួយនឹងក្រុម Al-Nassr និងមាន Assists ចំនួន ៤ ។

ព័រទុយហ្គាល់ នឹងមិនមាន Matheus Nunes របស់ Manchester City ទេ។ Raphael Guerreiro, Nuno Mendes និង Pepe អវត្តមាន ខណៈ Rafa Silva និង Joao Mario បានចូលនិវត្តន៍។

១៨ឆ្នាំមុន ជាការជួបគ្នាចុងក្រោយរបស់ក្រុមទាំងពីរ ដែលព័រទុយហ្គាល់បានយកឈ្នះស្លូវ៉ាគី ក្នុងលទ្ធផល ២-០ ក្នុងពានរង្វាន់ World Cup ។