pinuppinup casinomostbet1 win1win kzmostbetpinup4r betpinup india1 winmostbet casinopinup indiapin uplucky jet crashparimatchmostbet1 win azmost betlucky jetmostbet lucky jet1 win casinomostbet onlinemostbet casino1 win online1winlucky jet casinopin up kzmostbet kz1 winmosbet1 win casinomostbet azmosbet casino1 win aviatorlucky jet casinomostbet az casinopin up 7771 win gameaviator4rabet1win yüklə1win slots1 вин авиаторmosbet aviatorpin up bettingmostbet indiapinap4x betparimatch1win aviator4rabet casino
×

ក្រុមជម្រើសជាតិ​កម្ពុជា នឹងហោះ​ទៅ​បារ៉ែន នាព្រឹកស្អែក ដើម្បី​ត្រៀម​ការប្រកួត​ជម្រុះ Asian Cup និង AFC U23

ភ្នំពេញ៖ ក្រុមបាល់ទាត់ជម្រើសជាតិកម្ពុជា នឹងត្រូវធ្វើដំណើរទៅប្រទេសបារ៉ែន នាវេលាម៉ោង ៩ព្រឹកថ្ងៃទី០៥ ខែតុលាស្អែកនេះ ដើម្បីធ្វើការហ្វឹកហាត់ត្រៀមការប្រកួតពានរង្វាន់ប្រចាំទ្វីបអាស៊ីចំនួន ២ គឺការប្រកួតជម្រុះពានរង្វាន់ AFC Asian Cup China 2023 Qualifiers (Playoff) ជាមួយកោះហ្គាំ និងការប្រកួតជម្រុះពូល K នៃពានរង្វាន់ AFC U23 Asian Cup Uzbekistan 2022 – Qualifiers ជាមួយជប៉ុន និងហុងកុង។ នេះបើយោតាមការចេញផ្សាយ នៅថ្ងៃទី៤ ខែតុលានេះ។

លោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា បានឲ្យដឹងថា បេសកកម្មរបស់ក្រុមគោព្រៃកម្ពុជាលើកនេះ ក៏មិនខុសពីការប្រកួតជម្រុះ World Cup នៅបារ៉ែន កាលពីខែមិថុនាកន្លងទៅដែរ គឺពុំមានការប្រមូលផ្ដុំក្នុងស្រុកឡើយ ដោយពួកគេនឹងចេញទៅប្រមូលផ្ដុំនៅបារ៉ែនតែម្ដង ។ តែយ៉ាងណា លោកមានសុទិដ្ឋិនិយមថា មិនបង្កក្ដីបារម្ភដល់គ្រូបង្វឹកនោះទេ ព្រោះកីឡាករទាំងអស់ សុទ្ធតែបានហ្វឹកហាត់ និងមមាញឹកជាមួយការប្រកួតលីគកំពូលកម្ពុជា។

ចំពោះក្រុមជម្រើសជាតិកម្ពុជា នឹងត្រូវជួបកោះហ្គាំ ទាំង ២ជើង នៅកីឡដ្ឋាន Khalifa Sport City នាថ្ងៃទី០៩ និងថ្ងៃទី១២ ខែតុលាខាងមុខ ដើម្បីប្រជែងកៅអីវគ្គចែកពូលជុំទី៣ នៃពានរង្វាន់ AFC Asian Cup China 2023 ។ បន្ទាប់ពីចប់ការប្រកួតនេះ កីឡាករអាយុលើស ២៣ឆ្នាំ នឹងត្រូវត្រឡប់មកមាតុភូមិវិញ លើកលែងកីឡាករអាយុក្រោម ២៣ឆ្នាំ ដែលត្រូវបន្ដដំណើរទៅប្រទេសជប៉ុន ដើម្បីធ្វើការប្រកួតជម្រុះពានរង្វាន់ជើងឯកយុវជនអាយុក្រោម ២៣ឆ្នាំប្រចាំទ្វីបអាស៊ី។

សម្រាប់ការប្រកួតជម្រុះពូល K នៃពានរង្វាន់ AFC U23 Asian Cup Uzbekistan 2022 – Qualifiers នៅប្រទេសជប៉ុន ក្រុមជម្រើសជាតិអាយុក្រោម ២៣ឆ្នាំកម្ពុជា នឹងត្រូវជួបក្រុម U23 ហុងកុង នាថ្ងៃទី២៣ ខែតុលា មុនជួបក្រុមម្ចាស់ផ្ទះ U23 ជប៉ុន នាថ្ងៃទី២៦ ខែតុលា ឆ្នាំ២០២១ នៅកីឡដ្ឋាន J-Village តែមួយគត់។
សូមជូនពរក្រុមបាល់ទាត់ជម្រើសជាតិកម្ពុជា ក៏ដូចជាក្រុមជម្រើសជាតិយុវជនអាយុក្រោម ២៣ឆ្នាំកម្ពុជា ទទួលបានជោគជ័យក្នុងបេសកកម្ម ដើម្បីបានឡើងទៅវគ្គបន្ដ នៃពានរង្វាន់ប្រចាំទ្វីបអាស៊ីទាំងពីរខាងលើ៕

អ្នកអាចចែករំលែកដោយ៖

អត្ថបទទាក់ទង