Bonucci ដាក់ពាក្យប្ដឹង Juventus ជុំវិញការចាកចេញពីក្លិប

បាល់ទាត់
September 15th, 2023 (2 years)
833 Views
Share

ខ្សែការពារសញ្ជាតិអ៊ីតាលី Leonardo Bonucci នឹងចាត់វិធានការផ្លូវច្បាប់ចំពោះក្លិប Juventus បន្ទាប់ពីសេចក្តីរាយការណ៍ឱ្យដឹងថា មានជម្លោះជាមួយអ្នកចាត់ការ Massimiliano Allegri នាំឱ្យគាត់បានចាកចេញពីក្លិបនាពេលថ្មីៗនេះ។

Bonucci អាយុ៣៦ឆ្នាំដែលបានចំណាយពេល ១២ឆ្នាំនៅទីក្រុង Turin មិនត្រូវបានជ្រើសរើសនៅក្នុងបញ្ជីក្រុមរបស់លោក Allegri សម្រាប់ការប្រកួតមុនបើករដូវកាលនៅសហរដ្ឋអាមេរិក និងការប្រកួតមិត្តភាព មុនការចាប់ផ្ដើមក្របខណ្ឌ Serie A នៅថ្ងៃទី២០ ខែសីហា។

ជាលទ្ធផល Bonucci បានយល់ព្រមបញ្ចប់កិច្ចសន្យាជាមួយ Juventus ដើម្បីជួយសម្រួលដល់ការផ្លាស់ប្តូរទៅកាន់ក្លិប Union Berlin នៅក្របខណ្ឌ Bundesliga ដែលបានចុះហត្ថលេខារយៈពេល១ឆ្នាំ។

Bonucci បាននិយាយថាគាត់មិនមានអារម្មណ៍សោកស្ដាយចំពោះអតីតក្លិបរបស់គាត់ទេ ហើយក៏មិនចង់បានសំណងអ្វីនោះដែរ បើឈ្នះតាមផ្លូវច្បាប់ គាត់នឹងបរិច្ចាគថវិកាទាំងអស់ទៅអង្គការសប្បុរសធម៌។

ការអវត្តមានពីការហ្វឹកហាត់យូរ បានធ្វើឱ្យសហព័ន្ធកីឡាបាល់ទាត់អ៊ីតាលីមិនកោះហៅ Bonucci ទេ មកកាន់ក្រុមរបស់អ្នកចាត់ការថ្មី Luciano Spalletti ទេ ។ ខ្សែការពាររូបនេះ បាននិយាយជាមួយគ្រូអ៊ីតាលីដោយផ្ទាល់មុននឹងគាត់ប្រកាសបញ្ជីឈ្មោះក្រុមជាផ្លូវការ៕

អត្ថបទទាក់ទង

Bonucci ដាក់ពាក្យប្ដឹង Juventus ជុំវិញការចាកចេញពីក្លិប

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស