Cristiano Ronaldo អរគុណអ្នកគាំទ្រដែលស្វាគមន៍ខ្លួនក្រោយជួយ Al Nassr យកឈ្នះ Persepolis ក្នុងពានរង្វាន់ AFC Champions League

បាល់ទាត់
September 21st, 2023 (1 year)
1041 Views
Share

ខ្សែប្រយុទ្ធ Cristiano Ronaldo បង្ហាញក្តីរីករាយចំពោះការប្រកួតពានរង្វាន់ AFC Champions League លើកដំបូងរបស់ខ្លួន ខណៈជួយក្រុម Al Nassr ឈ្នះ Persepolis ២-០។ ក្រោយឈ្នះការប្រកួត កីឡាករវ័យ៣៨ឆ្នាំ ក៏បានអរគុណដល់ការគាំទ្រអ៊ីរ៉ង់ ដែលស្វាគមន៍ខ្លួនយ៉ាងច្រើនកុះករ។

ជំនួបនាកីឡដ្ឋាន Azadi ទីក្រុងតេហេរ៉ង់ ត្រូវបានធ្វើឡើងដោយបិទទ្វារ បន្ទាប់ពីសហព័ន្ធបាល់ទាត់អាស៊ី AFC ដាក់ទណ្ឌកម្មហាមឃាត់ ១ប្រកួត សម្រាប់ក្រុម Persepolis ចំពោះការបង្ហោះដោយចម្រូងចម្រាសលើបណ្តាញសង្គម ទល់ក្រុមមួយមកពីប្រទេសឥណ្ឌាកាលពីឆ្នាំ ២០២១។
ការជួយបង្កើតឱកាស ដើម្បីរកបានគ្រាប់បាល់ពីសំណាក់ Ronaldo ធ្វើអោយក្រុមរកបាន ២គ្រាប់ ដោយកីឡាករ Abdulrahman Ghareeb និង Mohammed Qasem ។

ក្រោយឈ្នះការប្រកួត Cristiano Ronaldo ក៏បានបង្ហោះសារអបអរ ក៏ដូចជាអរគុណទៅកាន់អ្នកគាំទ្រនៃប្រទេសអ៊ីរ៉ង់។

កីឡាករវ័យ៣៨ឆ្នាំបានឱ្យដឹងដូចនេះថា៖ “ពិតជាអស្ចារ្យដែលបានយកឈ្នះ។ វាពិតជាពិសេស អរគុណដល់អ្នកគាំទ្រ ជាពិសេសទៅកាន់ប្រជាជនអ៊ីរ៉ង់ដែលបានធ្វើអោយការការប្រកួតមួយនេះពិតជាពិសេសសម្រាប់យើង។ វាពិតជាការស្វាគមន៍ដ៏កក់ក្តៅ។”

ដោយឡែក នេះជំនួបជាប្រវត្តិសាស្ត្ររវាងក្លិបមកពីប្រទេសអារ៉ាប៊ីសាអ៊ូឌីត ទល់នឹងអ៊ីរ៉ង់ បានកើតឡើងសាជាថ្មីដោយចាប់តាំងពីឆ្នាំ២០១៦មក ប្រទេសទាំងពីរត្រូវបានហាមឃាត់ដោយសារបញ្ហាការទូត រហូតត្រូវបាន AFC ដាក់បម្រាម។ កាលដើមខែកញ្ញា AFC បានប្រកាសលុបចោលបម្រាមសម្រាប់ការប្រកួតស្ថិតក្រោមសហព័ន្ធនៃប្រទេសទាំងពីរ។

រយៈពេល ៧ឆ្នាំ នៃការផ្តាច់ចំណងការទូតនៃប្រទេសអារ៉ាប៊ីសាអ៊ូឌីត និងអ៊ីរ៉ង់ ក្រុមដែលមកពីប្រទេសទាំងពីរដែលត្រូវបានប៉ះគ្នា ក្នុងជំនួប AFC Champions League ក្រុមទាំងនោះនឹងត្រូវប្រកួតនៅទឹកដីអព្យាក្រឹត ប្រទេសទី៣៕

អត្ថបទទាក់ទង

Cristiano Ronaldo អរគុណអ្នកគាំទ្រដែលស្វាគមន៍ខ្លួនក្រោយជួយ Al Nassr យកឈ្នះ Persepolis ក្នុងពានរង្វាន់ AFC Champions League

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស