Carlo Ancelotti ទម្លាក់កំហុសលើខ្លួនឯង ក្រោយReal ចាញ់ At. Madrid

បាល់ទាត់
September 25th, 2023 (2 years)
762 Views
Share

លោក Carlo Ancelotti បានទទួលយកការស្ដីបន្ទោសចំពោះបរាជ័យរបស់ Real Madrid ៣-១ នៅទឹកដីរបស់ក្រុម Atletico Madrid ក្នុងការប្រកួត La Liga កាលពីថ្ងៃអាទិត្យ។

ការបញ្ជូនចំនួន ៣លើកចេញពីស្លាបឆ្វេងរបស់ Atletico បណ្តាលឱ្យមានគ្រាប់បាល់នាំមុខជាច្រើនសម្រាប់ក្រុមរបស់លោក Diego Simeone ។ Alvaro Morata បានតែតបញ្ចូលទីនៅដើមវគ្គទាំងពីរ ហើយ Antoine Griezmann រកគ្រាប់បាល់នៅនាទីទី១៧។

Toni Kroos ជាអ្នកស៊ុតឱ្យ Real មុនពេលសម្រាកវគ្គទីមួយ នៅពេលដែលលទ្ធផលត្រឹម ២-១ ។ ក្រុមភ្ញៀវបានគ្រប់គ្រងបាល់រហូតដល់ ៦៤ភាគរយនៅកីឡដ្ឋាន Wanda Metropolitano។ ប៉ុន្តែ Atletico អាចរក្សាលទ្ធផល ៣-១ ដល់ចប់ការប្រកួត។

គ្រាប់បាល់ទាំង៣របស់ម្ចាស់ផ្ទះ គឺជាការតែតបាល់បញ្ចូលទីដោយមិនមានការប្រជែង។ ដូច្នេះ លោក Ancelotti បានទទួលយកការស្តីបន្ទោសចំពោះការបរាជ័យលើកដំបូងរបស់ Madrid ក្នុងរដូវកាលនេះ។

គ្រូបង្វឹកក្រុមអធិរាជស បាននិយាយថា៖ “វាជាកំហុសរបស់ខ្ញុំ។ ខ្ញុំនឹងមិនផ្លាស់ប្ដូរប្រព័ន្ធទេ។ ការប្រកួតនេះនឹងជួយពួកយើងឱ្យដោះស្រាយបញ្ហាមួយចំនួន”។

ការចាញ់នៅ Wanda Metropolitano ធ្វើឱ្យ Real Madrid តាមពីក្រោយក្រុមកំពូលតារាង Barcelona ១ពិន្ទុ ក្នុងលីគ បន្ទាប់ពីលេងបាន ៦ប្រកួត៕

អត្ថបទទាក់ទង

Carlo Ancelotti ទម្លាក់កំហុសលើខ្លួនឯង ក្រោយReal ចាញ់ At. Madrid

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស